რუსეთის აგრესია უკრაინაში და ინტერვენცია სირიაში ევროპის უსაფრთხოებას საფრთხეს უქმნის. ამის შესახებ ევროპაში აშშ-ის ჯარების მეთაურმა ბენ ჰოჯესმა ტელეკომპანია "ბიბისი"-სთან საუბარში განაცხადა.
მისი თქმით, ნატო-მ და ევროკავშირმა რუსულ აგრესიაზე საპასუხოდ სოლიდარობა უნდა გამოიჩინონ, მაგრამ ერთიანობას შესაძლოა საფრთხე შექმნას, თუ დიდმა ბრიტანეთმა ევროკავშირის დატოვება გადაწყვიტა.
"ბიბისი"-სთან საუბარში ბენ ჰოჯესმა ასევე განაცხადა, რომ რუსეთმა ათი ათასობით ადამიანს ევროპაში ჩასვლა აიძულა და ამით მიგრაციული კრიზისი გაამწვავა.
