რამდენიმე წუთის წინ თსუ-ს პირველ კორპუსთან სტუდენტები ერთმანეთს ფიზიკურად კიდევ ერთხელ დაუპირისპირდნენ. როგორც "ინტერპრესნიუსის" კორესპონდენტი ადგილიდან იუწყება, დაპირისპირებულთაგან 6 პირს სახეზე ე.წ. ბენდენები აქვთ აფარებული და აგრესიულად იქცევიან.
აღნიშნული პირები ცოტა ხნის წინ უნივერსიტეტის პირველ კორპუსში თავად თსუ-ს დაცვის თანამშრომლებმა შეუშვეს, რის შემდეგაც ისინი სტუდენტური თვითმმართველობის წევრებს შეუერთდნენ, რამდენიმე წუთის შემდეგ კი კონტრაქციის მონაწილე სტუდენტებს დაუპირისპირდნენ. ფიზიკური შეურაცხოფის მიყენების გარდა, პირებმა, რომლებიც უნივერსიტეტში დაფარული სახით იმყოფებიან, კონტრაქციის ერთ-ერთ მონაწილეს ტელეფონიც წაართვეს, თუმცა მოგვიანდებით დააბრუნეს.
აღნიშნული ჯგუფი აგრესიულია ჟურნალისტების მიმართაც.
