თურქეთის დედაქალაქ ანკარაში გუშინ საღამოს მომხდარი აფეთქების შედეგად, ბოლო ინფორმაციით, 34 ადამიანი გარდაიცვალა, 125 კი დაშავდა. ამის შესახებ ინფორმაციას "როიტერი" ავრცელებს.
პოლიციის წინასწარი ინფორმაციით, აფეთქების მიზეზი გახდა დანაღმული ავტომანქანა, რომელიც ორ ავტობუსს შორის მდებარეობდა.
ანკარაში აფეთქება ავტობუსის გაჩერებაზე, გიუვენ-პარკთან, ერთ-ერთი ბიზნეს-ცენტრის სიახლოვეს მოხდა. ტერაქტის ადგილი ქვეყნის პრემიერ მინისტრის ოფისიდან 200 მეტრის დაშორებითაა.
