ჩიკაგოში აშშ-ის პრეზიდენტობის კანდიდატის, მილიარდერი დონალდ ტრამპის მხარდამჭერებსა და მოწინააღმდეგეებს შორის დაპირისპირება მოხდა. მომხდარის შედეგად 32 ადამიანი დააკავეს. ამის შესახებ ამერიკული მედია იტყობინება.
ილინოისის უნივერსიტეტის შენობასთან დონალდ ტრამპი წინასაარჩევნო კამპანიის ფარგლებში აქციის გამართვას გეგმავდა. თუმცა, რამდენიმე საათით ადრე შენობასთან მილიარდერი კანდიდატის ასობით მოწინააღმდეგე შეიკრიბა.
დაპირისპირების შეჩერება პოლიციამ სცადა. მოგვიანებით პრეზიდენტობის კანდიდატმა, დონალდ ტრამპმა აქცია გადადო.
ილინოისის შტატში პრაიმერი სამშაბათს ჩატარდება.
