საქართველოში დიდი ბრიტანეთის ელჩი, ალექსანდრა ჰოლ ჰოლი ქართული მხარის მიერ აფხაზეთსა და ცხინვალთან პატიმრების გაცვლას მიესალმება.
"მივესალმებით თბილისის, სოხუმის და ცხინვალის მიერ გადადგმულ ამ ნაბიჯს", - განაცხადა საქართველოში ალექსანდრა ჰოლ ჰოლმა დღეს განხორციელებული დაკავებული პირების განთავისუფლების შესახებ.
"პატიმრების/დაკავებულების გათავისუფლება აჩვენებს მხარეების სურვილს მეტი იმუშაონ 1990 და 2000 წლების კონფლიქტების შემდეგ არსებული რთული საკითხების გადასაჭრელად.
ჩვენ მხარს ვუჭერთ ასეთი ტიპის მოქმედებებს და მოვუწოდებთ ყველა მხარეს განაგრძონ ამ კონსტრუქციულ გარემოში თანამშრომლობა და სხვა ამგვარი საკითხებისკენ მიმართონ ყურადღება", - ნატქვამია ელჩის განცხადებაში, რომელიც საქართველოში დიდი ბრიტანეთის საელჩომ გაავრცელა.
ენგურის ხიდთან, გამყოფ ხაზზე ქართულმა მხარემ, აფხაზეთსა და ოსეთთან, სამშვიდობო პროცესის ფარგლებში, პატიმრები გაცვალა.
როგორც "ინტერპრესნიუსს" შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს, აფხაზეთისა და ე.წ. სამხრეთ ოსეთის დე ფაქტო ხელისუფლებასთან მიღწეული შეთანხმების თანახმად, ქართულ მხარეს აფხაზეთისა და ცხინვალის ტერიტორიაზე ბოლო 6-7 წლის განმავლობაში უკანონო პატიმრობაში მყოფი საქართველოს 14 მოქალაქე გადმოეცა. მათ სანაცვლოდ კი ქართულმა მხარემ, ოსეთს 4 გათავისუფლებული პირი გადასაცა.
