საქართველოს მორაგბეთა ეროვნული ნაკრები "რაგბი ევროპის" გათამაშების მატჩს გერმანიის ნაკრებთან დღეს გამართავს.
შეხვედრა ავჭალის სარაგბო სტადიონზე 14:00 საათზე დაიწყება და მის პირდაპირ ტელერეპორტაჟს "საზოგადოებირივი მაუწყებელი" წარმოადგენს.
2016 წლის საერთაშორისო სეზონის პირველ მატჩამდე ერთი დღით ადრე მეტოქეებმა ტრადიციული კაპიტნის ვარჯიში ჩაატარეს, ვარჯიშებს შორის კი გუნდების კაპიტნებმა და მწვრთნელებმა წინა სამატჩო პრესკონფერენცია გამართეს.
თამაშზე დასასწრები ყველა ბილეთი უკვე გაყიდულია.
