H1N1 ვირუსით ქუთაისში შუახნის მამაკაცი გარდაიცვალა. როგორც "ინტერპრესნიუსს" დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო საბჭოს ხელმძღვანელმა პაატა იმნაძემ განუცხადა, პაციენტს თანმხლები დაავადება ჰქონდა და რისკ-ჯგუფს წარმოადგენდა. იგი კლინიკაში მხოლოდ ერთი დღე იმყოფებოდა.
იმნაძის თქმით, H1N1 ვირუსით გარდაცვალების ლაბორატორიულად დადასტურებული მეორე შემთხვევა დაფიქსირდა.
მისივე განცხადებით, ამ დროისთვის საქართველოში 100 ათას მოსახლეზე გრიპის 250 შემთხვევა ფიქსირდება.
"გავრცელება არის საშუალო, ხოლო სიკვდილის შემთხვევები საბედნიეროდ ძალიან დაბალი. დღეს ყველა შემთხვევა, რაც არის გრიპის, არის H1N1 ვირუსი, გარდა ზოგიერთი შემთხვევებისა. ძალიან იშვიათ შემთხვევებში გვხვდება H3. ავადმყოფისთვის არავითარი მნიშვნელობა არ აქვს, გრიპის რომელი ვირუსით გახდება ავად. ვირუსის ლაბორატორიულად დადასტურება იმისთვის გვჭირდება, რომ ვიცოდეთ რა ვირუსები ცირკულირებს საქართველოში", _ განაცხადა იმნაძემ.
