თურქეთის პრეზიდენტმა შესაძლოა, 15 დეკემბერს რუსეთში დაგეგმილი ვიზიტი გააუქმოს. ამის შესახებ აზერბაიჯანულ სააგენტო "ტრენდს" რეჯეფ თაიფ ერდოღანის ადმინისტრაციაში განუცხადეს. წყაროს ცნობით, აღნიშნული საკითხი ამჟამად განხილვის ეტაპზეა.
ერდოღანმა რუსეთში ვიზიტის გადაწყვეტილება თურქეთის პროვინცია ანტალიაში ჩატარებული დიდი ოცეულის სამიტის შემდეგ მიიღო.
მანამდე, რუსეთის საგარეო საქმეთა მინისტრმა სერგეი ლავროვმა 25 ნოემბერს, თურქეთში დაგეგმილი ვიზიტი გააუქმა.
ორი ქვეყნის ურთიერთობა მას შემდეგ დაიძაბა, რაც თურქეთის სამხედრო-საჰაერო ძალებმა რუსული თვითმფრინავი "სუ-24" ჩამოაგდეს, რომელიც თურქეთში სირიის მხრიდან შეიჭრა.
