ბელგიურმა მედიამ იმ თვითმკვლელი ქალის ვინაობა დაადგინა, რომელმაც გუშინ დილით, პარიზის სენ-დენის გარეუბანში ჩატარებული სპეცოპერაციის დროს თავი აიფეთქა.
როგორც ბელგიური გამოცემა La Derniere Heure იტყობინება, 26 წლის ასნა აიტ ბულანსენი პარიზის ტერაქტების ორგანიზატორის, აბდელჰამიდ აბაუდის ნათესავი იყო.
ეთნიკური მაროკოელი, ბულანსენი 1989 წელს საფრანგეთში დაიბადა. 2013 წლის დეკემბრამდე ის სამშენებლო კომპანიაში მენეჯერად მუშაობდა.
რაც შეეხება აბდელჰამიდ აბაუდს, მისი ადგილსამყოფელი ამ დრომდე უცნობია.
