საქართველოს კულტურისა და ძეგლთა დაცვის მინისტრი მიხეილ გიორგაძე სახელმწიფო აუდიტის დასკვნას საზოგადოების შეცდომაში შეყვანას უწოდებს.
როგორც მიხეილ გიორგაძემ ჟურნალისტებს მთავრობის დღევანდელი სხდომის დაწყებამდე განუცხადა, აბსოლუტურად არაადეკვატური ანალიზი იყო გაკეთებული. საუბარია, აუდიტის დასკვნაზე, სადაც ნათქვამია, რომ კულტურის სამინისტროში 1 509%-ით მეტი დანამატი გაიცა.
"ჩემი ღრმა რწმენით, საქმე გვაქვს საზოგადოების შეცდომაში შეყვანასთან, რადგან აბსოლუტურად არაადეკვატური ანალიზი იყო გაკეთებული. ეს ანალიზი სიტუაციას იმგვარად წარმოადგენდა, თითქოს ჩემი ანაზღაურება გაიზარდა და თუ მართლაც ასეა, დღეს მე 50 000-ზე მეტი ხელფასი უნდა მქონდეს. ბატონ ლაშა თორდიას ადგილას, იმ თანამშრომლებს, ვინც ასეთ ანგარიშს მომაწოდებდნენ, როგორც მინიმუმ გავათავისუფლებდი სამსახურიდან. ნამდვილად ვფიქრობ, სირცხვილია სახელმწიფო უწყების მხრიდან ასეთი არაადეკვატური განცხადების გაკეთება", - განაცხადა მიხეილ გიორგაძემ.
