საქართველოს ჯანდაცვის სამინისტრო საყოველთაო ჯანდაცვის ადმინისტრირების გამარტვივებას გეგმავს, შესაბამის დადგენილებაში ცვლილებას მთავრობის დღევანდელ სხდომაზე განიხილავენ.
ამის შესახებ ჟურნალისტებს ჯანდაცვის მინისტრმა, დავით სერგეენკომა განუცხადა.
ამასთან, მინისტრის ინფორმაციით, ჯანდაცვის სამინისტრო მომვალის წლისთვის 20 ახალ რეანომობილს შეიძენს.
"დღეს ჩვენგან სხდომაზე ძირითადად ტექნიკური საკითხები გადის. მაგალითად ისეთი, როგორიცაა 20 დამატებითი რეანომობილის შეძენა მომავალი წლისთვის. ასევე გარკვეული ტექნიკური ხასიათის ცვლილებები შედის 36-ე დადგენილებაში, რომელიც საყოველთაო ჯანდაცვას არეგულირებს. ამ დადგენილების შინაარსია ადმინისტრირების გამარტივება", - განაცხადა სერგეენკომ.
