ეკა ქევანიშვილი, "თავისუფლება"
26 იანვარს საქართველოს პარლამენტთან უმუშევართა კავშირმა ”ცარიელი ქვაბების” აქცია გამართა. ადამიანების ჯგუფი საკანონმდებლო ორგანოსთან მივიდა კონკრეტული მოთხოვნით - პარლამენტმა მიიღოს კანონი უმუშევართა დაცვის შესახებ. აქციის ორგანიზატორებმა პარლამენტის თავმჯდომარის სახელზე წერილიც დატოვეს და თქვეს, რომ ცარიელი ქვაბების თანხლებით ხმაურიანი პროტესტი გაგრძელდება მანამ, სანამ პარლამენტი მათი პრობლემებით არ დაინტერესდება. აქციის მიმდინარეობის დროს საკანონმდებლო ორგანოდან მათ არავინ გამოხმაურებია.
ცარიელი ქვაბების ეს ხმაური იქამდე, სადაც დავით ბაქრაძე და პავლე კუბლაშვილი - აქციის ორგანიზატორებისა და მონაწილეების ადრესატები - სხედან, თითქმის არ აღწევს. იმ დროს, როდესაც უმუშევართა კავშირი ამ აქციას მართავდა, არც პარლამენტის თავმჯდომარე და არც იურიდიულ საკითხთა კომიტეტის ხელმძღვანელი პარლამენტის შენობაში არ იმყოფებოდა. მსგავსი აქცია პარლამენტთან შემოდგომაზეც გაიმართა. უმუშევართა კავშირი 6 ოქტომბრის შემდეგ ელის პასუხს პარლამენტის თავმჯდომარის მისამართით გაგზავნილ წერილზე, რომელშიც უმუშევართა პრობლემებზე იყო საუბარი, მაგრამ, როგორც ორგანიზაციის ხელმძღვანელი თამარ იოვაშვილი ამბობს, უშედეგოდ:
”პირველ წერილში ჩვენი ხედვა და წინადადებები ეწერა, თუ როგორ ვხედავთ უმუშევრობის პრობლემის დაძლევას. მსგავსი აქცია ჩვენ 17 ნოემბერსაც ჩავატარეთ და ჩავატარებთ მანამ, სანამ არ იქნება პასუხი. ჩვენ უმუშევართა დაცვის კანონპროექტი შევიმუშავეთ და გვსურს, რომ პარლამენტმა განიხილოს ის. ჩვენ ვიცით, რომ ჩვენი წერილი პავლე კუბლაშვილს დაეწერა განსახილველად, თუმცა მას შემდეგ ვცდილობთ დაკავშირებას და აბსოლუტურად უშედეგოდ.”
აქციის ერთ-ერთი ორგანიზატორი, პარტია „თავისუფალი საქართველოს“ გენერალური მდივანი ალექსანდრე შალამბერიძე ამბობს, რომ უმუშევართა რეალური რაოდენობის დადგენა მხოლოდ შესაბამისი კანონის მიღების შემთხვევაში შეიძლება მოხდეს.
აქციის მონაწილეები ცარიელი ქვაბებისა და რკინის კოვზებით სიმბოლურად იმ მდგომარეობას გამოხატავდნენ, რომელშიც, მათი თქმით, საქართველოს მოსახლეობის უმრავლესობაა ჩავარდნილი; სამსახურის დაკარგვის მიზეზი ყველას სხავდასხვა აქვს, მაგრამ ემთხვევა ამ სამსახურების დაკარგვის დრო - ვარდების რევოლუციის შემდგომ მოსული ხელისუფლების პირველი წლები:
885
სარეკლამო ბანერი № 21
650 x 85
სარეკლამო ბანერი № 22
650 x 85
