ქვეყნის კონსტიტუციური წყობილებისა და ეროვნული უშიშროების საფუძვლების წინააღმდეგ მიმართული საქმიანობის დაფინანსება და მატერიალური მხარდაჭერა სისხლის სამართლის პასუხისმგებლობით დასჯადი ხდება.
"სისხლის სამართლის კოდექსში" ამ მიმართულებითაც ახალი მუხლი იდება, რომელიც შსს-ს ავტორობით და მთავრობის ინიციატივით პარლამენტში უკვე ინიცირებულია.
პროექტის თანახმად, ეროვნული უშიშროების საფუძვლების წინააღმდეგ მიმართული დანაშაულების დაფინანსება ან სხვაგვარი მატერიალური რესურსებით უზრუნველყოფა გამოიწვევს სისხლის სამართლის პასუხისმგებლობას თავისუფლების აღკვეთით 8-დან 14-წლამდე, ხოლო იგივე ქმედება ჩადენილი ორგანიზებული ჯგუფის მიერ ან არაერთგზის – პასუხისმგებლობას 17-დან 20 წლამდე ვადიანი პატიმრობით.
