„ახალ ეკონომიკურ გუნდს ლაზიკას მშენებლობაზე გაცილებით მნიშვნელოვანი პრიორიტეტები გააჩნია“, - ამის შესახებ საქართველოს ეკონომიკის მინისტრობის კანდიდატმა, გიორგი კვირიკაშვილმა ტელეკომპანია „მაესტროს“ პრეს-კლუბში სტუმრობისას განაცხადა.
ამიტომ კვირიკაშვილის თქმით, მას ეეჭვება, რომ ლაზიკისთვის უახლოეს პერიოდში ვინმე მოიცლის.
„ჩვენ გაცილებით მნიშვნელოვანი პრიორიტეტები გვაქვს და მეეჭვება,.ეს არ არის ინფრასტრუქტურული პროექტი, საუბარია ქალაქის მშენებლობაზე, რაც შეიძლება, მხოლოდ კერძო ინვესტორების მონაწილეობით და მათი სურვილით განხორციელდეს და არა ვინმეს დაძალებით", - განაცხადა კვირიკაშვილმა.
