ავღანეთში ყანდაღარის საავიაციო ბაზაზე დისლოცირებულმა სამთო-სადაზვერვო ბატალიონმა მაგიდის ჩოგბურთში ჩემპიონატი ჩაატარა. ჩემპიონატში ბატალიონის საუკეთესო მოთამაშეებიდან 19 სამხედრო მოსამსახურე მონაწილეობდა. გამოვლინდა სამი საპრიზო ადგილის მფლობელი, რომლებსაც სამახსოვრო სიგელები გადაეცათ.
ტურნირი და დაჯილდოების ცერემონიალი ბატალიონის კულტურულ-შემეცნებით ცენტრში გაიმართა.
ყანდაღარის საავიაციო ბაზაზე დისლოცირებული სამთო-სადაზვერვო ბატალიონი ISAF-ის მისიას ასრულებს. ბატალიონის ნაწილი უკვე ძირითად ბაზაზე იმყოფება და რამდენიმე კვირაში საქართველოში გაემგზავრება. დასასრულს უახლოვდება თავად ISAF-ის მისიაც და კოალიციური ძალების წარმომადგენლები საკუთარი ქვედანაყოფების რიცხოვნობას ამცირებენ.
