დონალდ ტრამპის მკაცრმა ანტიიმიგრანტულმა პოლიტიკამ კალიფორნიაში არეულობა გამოიწვია. ლოს-ანჯელესში აშშ-ის მიგრაციული პოლიტიკის წინააღმდეგ გამართული საპროტესტო აქციების ფონზე, საღამოს 8 საათიდან დილის 6 საათამდე კომენდანტის საათი დაწესდა. აშშ-ის ერთ-ერთ უდიდეს ქალაქში არეულობა 6 ივნისიდან მიმდინარეობს. აქციის მონაილეებმა აშშ-ის იმიგრაციისა და საბაჟო სამსახურის (ICE) მიერ ლათინოამერიკელი მოსახლეობის უბნებში ჩატარებული რეიდების საპასუხოდ ატეხეს აჟიოტაჟი, რომლის სამიზნეც, სავარაუდოდ, არალეგალური იმიგრანტების დასაქმებაში მონაწილე ბიზნესები და ინდუსტრიები იყვნენ.

კალიფორნია მიგრანტების რაოდენობით აშშ-ში ლიდერობს, სადაც დაახლოებით 3 მილიონი ადამიანი ცხოვრობს. ლოს-ანჯელესში მიგრანტები მოსახლეობის მესამედს, დაახლოებით 1.35 მილიონ ადამიანს შეადგენს.

ხელისუფლებამ მიგრაციის შესახებ კანონების დარღვევის ეჭვმიტანილი ათობით ადამიანი დააკავა. აშშ-ის შინაგანი უსაფრთხოების დეპარტამენტი აცხადებს, რომ აგენტებმა დააკავეს „არალეგალ მიგრანტებს შორის ყველაზე საშიში დამნაშავეები“, მათ შორის პირები, რომლებიც ადრე ქურდობისთვის, სექსუალური და ფიზიკური ძალადობისთვის, ნარკოტიკებით ვაჭრობისთვის და იარაღის უკანონო შენახვისთვის იყვნენ ნასამართლევი.

მომიტინგეები არ დაეთანხმნენ ამას და გადაკეტეს ლოს-ანჯელესი - კალიფორნიის სხვა ქალაქებთან დამაკავშირებელი მაგისტრალი, გამოვიდნენ მთავრობის საწინააღმდეგო ლოზუნგებით. გარდა ამისა, დემონსტრანტებმა ხელი შეუშალეს მიგრანტების დაკავებას, პოლიციელებს ესროლეს ქვები, ბეტონის ნატეხები, ნაგვის ურნები, კვერცხები და ელექტრო სკუტერებიც კი. სამართალდამცავებმა მათ ცრემლსადენი გაზით უპასუხეს. აქციების გამო, აშშ-ის პრეზიდენტმა დონალდ ტრამპმა ხელი მოაწერა მემორანდუმს 2000 ეროვნული გვარდიის წევრის აჯანყებულ ქალაქში გაგზავნის შესახებ, რათა დაიცვან აშშ-ის მიგრაციისა და საბაჟო სამსახურების აგენტები.

ავტორიტარიზმისკენ პირველი ნაბიჯი?

კალიფორნიის გუბერნატორმა გევინ ნიუსომმა, რომელიც დემოკრატიულ პარტიაში ამომავალ ვარსკვლავად ითვლება, 9 ივნისს განაცხადა, რომ პრეზიდენტ დონალდ ტრამპის წინააღმდეგ სარჩელი შეიტანა და მის ქმედებებს „ავტორიტარიზმისკენ პირველი ნაბიჯი“ უწოდა. პოლიტიკოსის თქმით, მათ „პრობლემა ტრამპის ჩარევამდე არ ჰქონდათ“. ლოს-ანჯელესის მერმა კარენ ბასმა ასევე გააპროტესტა ფედერალური მთავრობის გადაწყვეტილებები, რეიდები და ჯარების ლოს-ანჯელესში განლაგება. სახელმწიფოს მეთაურმა, თავის მხრივ, არეულობა გუბერნატორს დააბრალა და აღნიშნა, რომ ის ნიუსომმის დაპატიმრებას მხარს დაუჭერდა.

ამასობაში, პენტაგონმა განაცხადა, რომ პროტესტის ჩასახშობად შესაძლოა 500 საზღვაო ქვეითი გამოიძახონ. ამისათვის სახელმწიფოს მეთაურმა მე-19 საუკუნის კანონი უნდა გამოიყენოს. საუბარია 1807 წლის ლოს-ანჯელესის აჯანყების შესახებ დოკუმენტზე, რომელიც გამონაკლის შემთხვევებში ქვეყნის შიგნით პროტესტის ჩასახშობად შეიარაღებული ძალების გამოყენების უფლებას იძლევა.

თავის სოციალურ ქსელ Truth Social-ში ტრამპმა დაწერა, რომ „ლოს-ანჯელესი არალეგალური მიგრანტებისა და კრიმინალების მიერ არის ოკუპირებული“.

ტრამპი კალიფორნიის წინააღმდეგ

ტრამპსა და კალიფორნიის მმართველ დემოკრატებს შორის კონფლიქტი წლებია გრძელდება. თავად პრეზიდენტი გამუდმებით აკრიტიკებს გუბერნატორ გევინ ნიუსომის სახელს და ზიზღით უწოდებს მას „ნიუსკამს“.

ტრამპმა არაერთხელ უჩივლა კალიფორნიას: მისი პირველი ვადის განმავლობაში შტატმა მის წინააღმდეგ 120-ზე მეტი სარჩელი შეიტანა. დავები დღემდე გრძელდება, მაგალითად, სავაჭრო ტარიფებთან დაკავშირებით.

აშშ-ის პრეზიდენტი, ისევე როგორც ხუთი წლის წინ, რასობრივად დამუხტულ საპროტესტო აქციებს მისთვის დამახასიათებელი მანერით რეაგირებს. 2020 წელს, ჯორჯ ფლოიდის მკვლელობის შემდეგ, ქვეყანა მასობრივმა არეულობაში მოექცა და მაშინდელმა პრეზიდენტმა ტრამპმა არა მხოლოდ ვერ შეძლო კონფლიქტის ჩახშობა, არამედ, როგორც ჩანს, მხოლოდ ცეცხლზე ნავთის დასხმა მოახერხა.

შემდეგ დემოკრატებმა წარმატებით გამოიყენეს ეს სიტუაცია თავიანთი მხარდამჭერების მობილიზებისთვის. ახლა, როგორც ჩანს, კალიფორნიის გუბერნატორი გევინ ნიუსომმი მსგავს ტაქტიკას მიმართავს.

წყარო: https://trt.global/russian/article/5809f1d52d73