ამერიკელი პროფესორი ჯეფრი საქსის ინტერვიუ პანჩენკოსთან, ნაწილი მეორე

პროფესორი ჯეფრი საქსი წინააღმდეგია, რომ ამერიკამ უკრაინის მინერალებზე მონოპოლია მოიპოვოს. ამასთან დაკავშირებით, საქსი ტრამპს ხარბსაც კი უწოდებს. ასევე, მისი თქმით, უკრაინას ომის დასრულების შემდეგ, სწორედ აღნიშნული რესურსები დაეხმარება.

პანჩენკო: თქვენი მოსაზრება უკრაინასთან დაკავშირებით ტრამპს თუ მოახსენეთ? გჯერათ ტრამპის მიდგომა ომის დასრულებასთან დაკავშირებით?

ჯეფრი საქსი: პრეზიდენტს ტრამპს ნამდვილად სურს ბოლო მოეღოს ამ ომს, იმიტომ რომ ეს არის აშშ-თვის მხოლოდ ფულისა და დროის ფლანგვა. პრეზიდენტი ომთან დაკავშირებით რასაც ამბობს სწორია. მისი თქმით: „ეს არის ომი, რომელიც ბაიდენმა გააჩაღა. ეს ჩემი ომი არაა და მე არ მჭირდება ის“. ტრამპს სურს ომის დასრულება, რადგან მან იცის, რომ ეს ომი აშშ-თვის წაგებულია, ისევე როგორც წაგებულია უკრაინისთვის. უკრაინა გამარჯვების ველზე არაა. ის ვერ შეძლებს ძველ საზღვრებს დაუბრუნდეს. ამაზე ფიქრი მხოლოდ ფანტაზიაა. ამ ომს დანაკარგის მეტი არაფერი მოაქვს. ამ ომზე ბაიდენმა ფსონი გააკეთა. ბაიდენის ადმინისტრაციამ უპასუხისმგებლობა გამოავლინა და ამაზე წლებია ვსაუბრობ.

კიდევ რა სურს ტრამპს? რა თქმა უნდა ის ხარბი ადამიანია, მას სურს მაქსიმალური რესურსების მიღება უკრაინისგან. ყველასთვის თვალნათელია, რომ ტრამპს ამით მოგების მიღება სურს. პირადად მე, ამის კატეგორიული წინააღმდეგი ვარ. ომი მინდა დასრულდეს, მაგრამ არ მინდა, რომ აშშ-მ ხელში ჩაიგდოს უკრაინის ყველა რესურსი. უკრაინას აღდგენა სჭირდება. მას სჭირდება ეს რესურსები. მას ბიუჯეტისთვის შემოსავალი სჭირდება. ამიტომ ვამბობ, რომ უკრაინა მოლაპარაკბას უნდა დათანხმდეს. ვნახე სტამბულის შეთანხმების ტექსტი და ის ყველასთვის მისაღებია. შეცდა უკრაინა, რომ ამ შეთანხმებას არ დათანხმდა.

ტრამპისთვის მისაღებია მოლაპარაკების პროცესის დასრულება?

- სავარაუდო სცენარია. არ მგონია ტრამპი იტყუებოდეს როდესაც ამბობს: „თუ ორივე მხარე შეთანხმებას ვერ მიაღწევს, ჩვენ ამ პროცესს დავტოვებთ“. მეჩვენება, რომ ეს შესაძლებელია მოხდეს. სხვათა შორის ასეთი სცენარი უკრაინისთვის იქნება საშინელი, რადგან უკრაინა ათასობით ადამიანს დაკარგავს. სულ მცირე, ომი ამ მიზეზით მაინც უნდა დასრულდეს. უკრაინა რუსეთზე ვერ გაიმარჯვებს, ეს შეუძლებელია.

ოდესა უკრაინის სამხრეთით მდებარეობს და ის მნიშვნელოვანი სტრატეგიული პორტია. ვისია ოდესა და პუტინი დათმობს ოდესას?

- ოდესა უკრაინას ეკუთვნის, მაგრამ პუტინი ოდესას უკრაინას დაუტოვებს თუ არა, ეს დამოკიდებულია იმაზე, ომი გაგრძელდება თუ არა. ჩემი აზრით, არა. თუ ომი გაგრძელდება, რუსეთი უფრო მეტ ტერიტორიებს დაიკავებს და ოდესა ერთ-ერთი სამიზნეა. თუმცა, ახლა ეჭვგარეშეა, რომ ოდესა უკრაინის ნაწილია. ზუსტად ასევე ეჭვი არ მეპარება, რომ თუ ომი გაგრძელდება, რუსეთი გააგრელებს ტერიტორიების დაკავებას.

ფიქრობთ, რომ პუტინი თავისი ქვეყნის პატრიოტია?

- პრეზიდენტი პუტინი თავისი ქვეყნის პატრიოტია, ეჭვიც არ უნდა შეგვეპაროს ამაში. დარწმუნებული ვარ, რომ უკრაინელი ლიდერებიც თავის ქვეყნის პატრიოტები არიან.

ბევრ უკრაინელ პოლიტიკოსს შეხვედრიხართ, მათგან ვის გამოარჩევდით, ვინ არის პატიოსანი?

- ჩემთვის ძნელია პატიოსნების შეფასება. მათთან ურთიერთობა საინტერესოა, მაგრამ ხშირად იმედები გამცრუებია. უკრაინა უკეთეს პოლიტიკოსებს იმსახურებს, ვიდრე იმათ, ვინც ბოლო პერიოდში მოვიდინენ. ლიდერებმა ახლა სწორად უნდა შეაფასონ ის სიტუაცია, რომელშიც იმყოფებიან. მათ უნდა იმოქმედონ ხალხის ინტრესებიდან გამომდინარე.

და ბოლო კითხვა, უკრაინაში აშშ-ს ფინანსური დახმარებასთან დაკავშირებით საჭიროა აუდიტის ჩატარება, რადგან ხელისუფლებაში კორუმპირებული მთავრობაა. თქვენი აზრით რატომ არ ჩქარობს ტრამპი აუდიტის ჩატარებას?

- ამაზე მსჯელობა შეუძლებელია. შეიძლება ამერიკას ჯერ კიდევ სურს ფინანსური დახმარება, რადგან უკრიანისგან მიიღოს მინერალები. სიმართლე გითხრათ, ძნელია ენდო იმას, რასაც აშშ ამბობს. მე დიდი ხნის წინ შევწყვიტე მათი ნდობა. მე გეტყვით რა სჭირდება უკრაინას - ეს არ არის აუდიტის ჩატარება, ან დამნაშავეების ძებნა, უკრაინას სჭირდება მხოლოდ ომის დასრულება.

წყარო: https://www.youtube.com/watch?v=1Al4zycJTLQ