ირაკლი ღარიბაშვილი დარწმუნებულია, რომ დავით ნარმანიას რეალური კონკურენტი არ ჰყავს, იგი ღირსეულად გაიმარჯვებს და გახდება ღირსეული თბილისის მერი, რომელიც არ მოიპარავს თბილისელების 50 მილონს. ღირსეული გამარჯვების და ქალაქის პრობლემების მოგავრების პირობას დებს კოალიციის მერობის კანდიდატიც და აცხადებს, რომ სირთულეებს არ უშინდება.

რას პასუხობს ოპონენტებს და 41 პუნქტით შემოიფარგლება თუ არა დედაქალაქში არსებული პრობლემები? ამ საკითხებთან დაკავშირებით for.ge. რეგიონალური განვითარებისა და ინფრასტრუქტურის მინისტრს, დავით ნარმანიას ესაუბრა.

ბატონო დავით რა ხდება ქუთაისში? საკრებულოს თავმჯდომარე მერის გათავისუფლების მიზეზად დაუმორჩილებლობას ასახელებს, თითქოს, მას ჰყავდა გამორჩეული დეპუტატთა კატეგორია და მხოლოდ მათთან ურთიერთობდა...

- 15 წელზე მეტია შოთა მურღულიას ვიცნობ საქმიდან გამომდინარე. აბსოლუტურად მოწესრიგებული ადამიანია, რომელიც იცავს კანონმდებლობას და, რომელიც ყოველთვის აკეთებს საქმეს. ვერავინ დამარწმუნებს იმაში, რომ შოთამ იმ ძირითად პრინციპებს, რომელსაც ის ემსახურებოდა, ქუთაისში გადაუხვია. შოთამ გადადგა ისეთი ნაბიჯები, რომელიც ქალაქის საერთო ინტერესებს ემსახურებოდა და არა ისეთი, რომელიც ემსახურებოდა ვიწრო ჯგუფის ინტერესებს, რომლებიც წლების განმავლობაში მართავდნენ ქალაქს -

თვითონ მდიდრდებოდნენ და რეალურად, ქალაქს განვითარება არ ეტყობოდა. ამის თქმის საფუძველს მაძლევს მასთან ერთად ბოლო ერთი წლის განმავლობაში გაწეული საქმიანობა. მას 900 მილიონ ლარიანი პორტფელი ეკავა, სამინისტროში ხელმძღვანელობდა ინფრასტუქტურის გავითარებას და ყოველგვარი ზედმეტი კითხვების გარეშე, მან ბრწყინვალედ გაართვა თავი ყველა სახის საქმიანობას, რომელიც ევალა. ამ სამი თვის განმავლობაში, ქუთაისშიც ძალიან ბევრი რამის გაკეთება მოსაწრო.

კონკრეტულად რა გააკეთა?

- მინიმუმამდე შემცირდა კორუფციული რისკი. ძალიან ბევრი ხარვეზიანი პროექტი, რომელიც დახვდა, გამოასწორა; მოაწესრიგა და დაალაგა ცალკეული ინფარსტუქტურულ პროექტებში არსებული პრობლემები; დაგეგმა და დაიწყო ახალი პროექტები; გამჭვირვალე გახადა 2014 წლის ბიუჯეტი და იგი ქალაქის განვითარებაზე ორიენტირებული გახადა, რაც მავანთ არ აწყობთ. აქედან გამომდინარე, იქნა მიღებული ეს გადაწყვეტილება, რომ შოთა მურღულიას დაეტოვებინა მერის მოვალეობის თანამდებობა და სხვა ადამიანისთვის დაეკისრებინათ მოვალეობის შესულება. სხვა რაიმე სახის გამართლება არ შეიძლება ამას მოვუძებნოთ.

ახლოვდება თვითმმართველობის არჩევნები და როგორც წესი პოლიტიკური ტემპერატურა ყოველთვის მატულობს. ანალოგიური პროცესები შესაძლოა თვითმმართველობის ორგანოებშიც დაიწყოს?

- პირველ რიგში, უნდა ითქვას, რომ თუ უკანონობასთან გვექნება საქმე, მაშინ სამართალდამცავი ორგანოები უნდა ჩაერთონ და უკანონობა უნდა აღმოფხვრან. წინასაარჩევნო პერიოდში პოლიტიკური ტემპერატურა ყოველთვის იმატებს, ეს ბუნებრივი პროცესია, თუმცა ეს არ უნდა გასცდეს სამართლებლივ ჩარჩოებს. ეს ძალიან პრინციპული და მნიშვნელოვანია.

ჩვენი ხელისუფლება აპირებს დემოკრატიული არჩევნების ჩატარებას, ისევე როგორც ჩაატარა წინა არჩევნები. ამის საფუძველია ძალიან დემოკრატიული თვითმმართველობის კოდექსი, რომელიც მივიღეთ. ამის საფუძველია იგივე, ბარიერთან დაკავშირებული გადაწყვეტილებები, რაც ჩვენმა პოლიტიკურმა გუნდმა უნდა მიიღოს, რომ ქვეყანა წინ წავიდეს,  კიდევ ერთი ნაბიჯი გადავდგათ დემოკრატიული განვითარების გზაზე. ამიტომაც, რასაკივირველია, ეს არ მოსწონთ ჩვენს ოპონენტებს, რომლებიც ერთპარტიული ვერტიკალით და ერთი ადამიანის გადაწყვეტილებით მართავდნენ ამ ქვეყანას.

მათთვის ეს არის ბოლო ბრძოლა, ის ინსტრუმენტები, რასაც ისინი წლების განმავლობაში იყენებდნენ, მოუძველდათ - საზოგადოება ღებულობს მთავარ გადაწყვეტილებას - ეს მათ ყოველთვის ავიწყდებოდათ და სწორედ აქედან გამომდინარე მოუვიდათ ის, რაც მოუვიდათ.

თქვენ ახსენეთ ბარიერის საკითხი. არასაპარლამენტო ოპოზიცია თვლის, რომ ეს „ნაციონალური მოძრაობის“ კოდექსის შენარჩუნებას ნიშნავს და მიზნად ისახავს ურეიტინგო ნარმანიასთვის კომფორტული საარჩევნო გარემოს შექმნას...

- ჩემი მხრიდან ძალიან უხერხულია წინასწარ საუბარი იმაზე, რამდენ პროცენტიან ბარიერს გადავლახავ, ამას არჩევნები გვიჩვენებს. ჩვენ, ჩვენს პოლიტიკურ შესაძლებლობაში და ხალხის მხარდაჭერაში ეჭვი არ გვეპარება და აქ რაიმე სახის პრობლემას ვერ ვხედავ. ჩვენს პოლიტიკურ ოპონენტებს, ალბათ, ძალიან კარგად ახსოვთ, როცა მათ მოუწოდებდნენ ბარიერი აეწიათ თბილისში, ან რეგიონებშიც გაკეთებინათ ბარიერი თვითმმართველობის არჩევნებში, მათ ეს არ გააკეთეს, რადგან ეშინოდათ.

ჩვენ გადავდგით დემოკრატიული ნაბიჯები, რეგიონებში, საქართველოს ისტორიაში პირველად, პირდაპირი წესით ავირჩევთ გამგებლებს და ავირჩევთ ბარიერის წესით. ასევე, დედაქალაქშიც ბარიერის გაზრდა არის დემოკრატიული ნაბიჯი და ვისაც ამის დანახვა არ შეუძლია, ვფიქრობ, რომ პოლიტიკიდან შორს არის. ის, ვისაც ამის დანახვა შეუძლია, მაგრამ არ აღიარებს, ცდილობს, რომ საზოგადოებას სხვანაირად მოაჩვენოს ეს ყველაფერი. თუმცა, ისინი ცდებიან - საზოგადოებამ ყველაფერი ძალიან კარგად იცის და ძალინ კარაგად იცის ამ ყველაფრის ფასი.

შეძლებდით 50 პროცენტიან ბარიერის გადალახვას?

- მე ვთქვი, რომ ამის არანაირი პრობლემა არაა. ჩვენს პოლიტიკურ ძალას გაცილებით მეტის პრეტენზია აქვს არა მხოლოდ თბილისში, არამედ ყველგან.

რაც შეეხება საარჩევნო პროგრამას. რაზე იქნება გათვლა თქვენს საარჩევნო პროგრამაში. თქვენ ერთხელ უკვე თქვით, რომ ეს იქნება 41 პუნქტი. როგორც ფქრობთ 41 პუნქტით შემოიფარგლება დედაქალაქში არსებული პრობლემები?

- დაგეთანხმებით, რომ პრობლემები ძალიან ბევრია და 41 პუნქტი ვერ იტევს ყველაფერს. ჩემი პროგრამა ამ პრობლემების მოგვარებაზე იქნება ორიენტირებული. აქ არ იქნება შეუძლებლის დაპირება, ძალიან მკაფიოდ იქნება წარმოჩენილი რა პრობლემები არსებობს, რაც საზოგადოებამ ისედაც ძალიან კარგად იცის. ახლა კი ეს ყველაფერი ქაღალდზე იქნება გადატანილი და მათ შორის ისიც, როგორ აპირებს ჩვენი პოლიტიკური გუნდი შეეჭიდოს ამ პრობლემებს და როგორ აპირებს მოაგვაროს ისინი. გპირდებით, რომ ძალიან სანტერესო პროგრამა იქნება.

ამ 41 პუნქტიდან, ერთი პუნქტი შეგიძლიათ გვითხრათ?

- აქ საუბარი იქნება ყველაფერ იმაზე, რაც აწუხებს საზოგადოებას. დაწყებული ქალაქში არსებული საცობებიდან, დამთავრებული მძიმე სოციალური პირობებით, საბინაო ფონდით და ა.შ. მაგრამ ეს არ იქნება გაცდენილი ადგილობრივი თვითმმართველობის კომპეტენციას.

ფაქტია, რომ ძალიან რთული უწყების ჩაბარება მოგიწევთ. ძალიან მაინტერესებს თქვენი პოზიცია ბოლო თვეების განმავლობაში მერიასა და საკრებულოს შორის მიმდინარე პროცესებზე...

- სირთულეებს არ ვუშინდებით. მერია ძალიან რთული უწყებაა თავისი მრავალი მიმართულებიდან გამომდინარე და საკმაოდ დიდი უფლებამოსილება აქვს. საბიუჯეტო შესაძლებლობები შედარებით შეზღუდულია და მიუხედავად იმისა, რომ დაახლოებით 800 მილიონია თბილისის მერიის რეალური ბიუჯეტი, მაინც შეუძლებელია ყველა პრობლემას ამ ბიუჯეტით შევეჭიდოთ. მთავარია სწორად დავალაგოთ პრიორიტეტები.

რაც შეეხება საკრებულოსა და მერიას შორის ურთიერთობას, აქ არის პოლიტიკური და საბიუჯეტო ფინანსური კომპონენტიც. აქედან გამომდინარე, ორივე კომპლექსურად უნდა იქნას განხილული. ჯერ კიდევ ერთი თვე არის იმისათვის, რომ პრეტენზიები, რაც გააჩნია საკრებულოს მერიის მიმართ, მერიამ დააკმაყოფილოს და შესაბამისი ფორმით წარუდგინოს გამჭვირვალე ბიუჯეტი.

როგორ ფიქრობთ, საიდან გაჩნდა ეს 70 მილიონი ლარი, რომელიც ბიუჯეტის ბოლო პროექტით წარმოადგინა მერიამ და რატომ ფიქრობთ რომ ეს არარეალური ციფრია?

- გაჟღერდა, რომ ეს არის პრივატიზაციის ხარჯზე დასახელებული ციფრი - წინსაარჩევნოდ დაგეგმილია გარკვეული ტერიტორიების პრივატიზაცია. ერთი მხრივ, ძალიან საეჭვოა ვის ხელში მოხვდება ეს შენობები ასეთი ფორმით, მეორე მხრივ, თუ არ გაიყიდა, ასეთ შემთხვევაში ხელოვნურად გაზრდილი ბიუჯეტი, როცა ჩვენი სამართავი გახდება, წლის მეორე ნახევრიდან აპრიორი ვერ შევასრულებთ. ასეთ შემთხვევაში დადგება ჩვენი პასუხისმგებლობის საკითხი.

ამიტომაც ვუსვამ ხაზს პოლიტიკურ მომენტს. ხელოვნურად ჩადებული ნაღმებით თუ დამტკიცებდება საკრებულოს მხრიდან ბიუჯეტი, ასეთ შემთხვევაში, ეს ნაღმები ოდესღაც აფეთქდება. ალბათ, „ნაციონალური მოძრაობის“ მესვეურებს გათვლილი აქვთ, რომ ეს ნაღმები აფეთქდეს მას მერე, რაც ისინი არ იქნებიან ქალაქის მართვაში, რაც შემდგომ გახდება ჩვენი კრიტიკის მთავარი საფუძველი.

თქვენ ამბობთ, რომ არ უპასუხებთ „ნაციონალური მოძრაობის“ ბრალდებებს. თუმცა, მაინც გკითხავთ, თქვენი ოპონენტების ბრალდებები ხომ არ უკავშირდება იმ 20 სისხლის სამართლის საქმეს, რომელიც თქვენ გადაგზავნეთ მთავარ პროკურატურაში, რომელთა ნაწილი გადაეგზავნა ფინანსთა სამინისტროს საგამოძიებო ნაწილს?

- ეს არაა ბრალდება, ეს არის აბსურდი. ამიტომ, აბსურდზე საპასუხოდ დროს არ ვკარგავ.

ამ საქმეებიდან იკვეთება თქვენი წინამორბედის პასუხისმგებლობის საკითხი? ნიკოლაიშვილი ამბობს, რომ იმ სამშენბლო კომპანიების ხელმძღვანელებს, რომლთაც მას ბრალი დასდეს კომპანიის გაკოტრებაში, ამბობს, რომ საერთოდ არ იცნობს...

- თვითონ შეიძლება არ იცნობს, მაგრამ მისი ქვემდებარე ადამიანები ამ კომპანიებს აძალებდნენ გარკვეული სამუშაოების ჩატარებას. ძალიან ბევრ უკანონობას ჩადიოდნენ. ეს არაა ჩვენი განსჯის საგანი, ამაზე მუშაობენ საგამოძიებო ორგანოები. როცა დაასრულებენ მუშაობას, ყაველაფერი გახდება ცობილი. შემიძლია გითხრათ, რომ საგამოძიებო ორგანოს მხრიდან მოთხოვნილია დამატებითი მასალები, რასაც ვაწვდით. დაველოდოთ გამოძიების შედეგებს.

რაც შეეხება მთავარ საკითხს, პრემიერის სიმამრი. როგორც ამბობენ თამაზ თამაზაშვილი განაგებს ინფრასტრუქტურის სამინისტროს. რა კავშირი აქვს ამ უწყებასთან თამაზაშვილს?

- ესეც არის მორიგი აბსურდი. არ ვაპირებ ამ აბსურდს გავცე პასუხი. რაც მინისტრი გავხდი, არც შევხვედრივარ ბატონ თამაზაშვილს. აგრეთვე მინდა ვთქვა, რომ აბსურდული ბრალდებები, რომელიც იქნება ჩვენი ოპონენტების მიერ გაჟღერებული, ჩვენი მხრიდან არ იქნება პასუხგაცემული.

ამბობენ, რომ თქვენი უწება ამუშავებს აფხაზეთის მთავრობის სტრუქტურების არსებობის ფორმას. რა კავშირი გაქვთ ამ პროცესებთან?

- არანაირი ურიერთობა და შეხება აფხაზეთის მთავრობასთან არ მაქვს. გარდა იმისა, რომ ჩვენ ვთანამშრომლობთ გამყოფი ხაზის მიმდენარე სოფლებში დაზარალებული მოსახლეობის საჭიროებებზე რეაგირების დროებითი სამთავრობო კომისიის ფარგლებში, სხვა არანაირი შეხება არ მაქვს. სიმართლე გითხრათ, არც ვიცი რა ხდება იქ.

როგორია დავით ნარმანიას ერთი დღე, რომელიც ემზადება თბილისის მერობისთვის?

- ძალიან დატვირთულია. სამუშო დღე ჩემთვის იწყებს 10 საათზე, როგორც წესი, არის ძალიან ბევრი შეხვედრა და ინტერვიუები ჩვენს სამსახურების სამომავლო საქმიანობასთან დაკავშირებით. როგორც წესი, დღე ძალიან გვიან მთავრდება - ღამის 12 საათზე, რიგ შემთხვევაში უფრო გვიანაც. ვცდილობთ, რომ რაც შეიძლება მეტი პროდუქტიულობა იყოს ჩვენი საქმიანობის შედეგად დადებული.

როგორ ფიქრობთ, მმართველმა კოალიციამ არჩევანი თქვენზე იმიტომ შეაჩერა, რომ ბიძინა ივანიშვილმა დაგასახელათ მერობის კანდიდატად? თქვენი კანდიდატურა არ ქვემდებარება გადახედვას?

- მეამაყება, რომ ბატონმა ბიძინა ივანიშვილმა დამსახელა და ძალიან დიდი ნდობა გამომიცხადა, როცა მინისტრად წარმადგინა. კიდევ უფრო დიდი ნდობა გამომიცხადა, როცა ერთი წლის შემდეგ დამიძახა და მითხრა, რომ ის ფიქრობდა ჩემს კანდიდატურაზე. ჩემთვის ეს, ერთი მხრივ, არის ძალიან დიდი პატივი და მეორე მხრივ, ძალიან დიდი გამოწვევა. არ მქონია მოლოდინი, რომ ჩემი კანდიდატურა დასახელდებოდა. გვქონდა ჩვენ ამის შესახებ განხილვა გუნდში და ვთქვი, რომ სადაც საჭირო იქნება ჩემი გამოცდილება, მზად ვარ წავიდე და ვემსახურო ჩემს ქვეყანას, ამ შემთხვევაში დედაქალაქს და აქიდან გამომდინარე მიღებული იქნა ეს გადაწყვეტილება.

გაქვთ ურთიერთობა ბიძინა ივანიშვილთან?

- პრაქტიკულად, ახლა აღარ გვაქვს ურთიერთობა. ბატონი ბიძინა სხვა მიმართულებით წავიდა.

მთავარი რასაც როგორც გუნდის ზოგიერთი წვერი და ოპონენტები გიწუნებენ, ეს არის თქვენი არათბილისელობა. გულწრფელად მინდა მიპასუხოთ, როგორი იყო თქვენი რეაქცია?

- მოულოდნელი ნამდვილად არ ყოფილა. როდესაც ჩემი კანდიდატურა იხილებოდა, ვიდრე საჯარაოდ დასახელდებოდა, მანამდეც ვგრძობდი, რომ ამაზე გარკვეული ჯგუფები გააკეთებდნენ აქცენტს. თუმცა, ვფიქრობ, რომ ეს არაა დიდი პრობლემა, ან რაიმე სახის ხარვეზი. პირიქით, მეამაყება, რომ ვარ იმ კუთხიდან, სადაც დავიბადე და გავიზარდე. აქვე უნდა აღინიშნოს, რომ თბილისი არაა მხოლოდ თბილისელების ქალაქი. თბილისი არის საქართველოს თითოეული მოქალაქის დედაქალაქი. აქიდან გამომდინარე, ხან ერთი კუთხის შვილი შეიძლება იყოს დედაქალაქის მერი, ხანაც მეორეს, ხან - დედაქალაქში დაბადებული. ასე რომ, აქ რაიმე სახის პრობლემას ჩვენი პოლიტიკური გუნდი ვერ ხედავს. გამონაკლისები ყვლელგან არიან და ეს გამონაკლისი იყო ჩვენს გუნდშიც, როცა ბატონმა პაპუაშვილმა ღიად თქვა, რომ ის ისურვებდა დედაქალაქელს მერად.

თქვენი ოპონენტები ხშირად ამბობენ - რა გუკეთებია ნარმანიას დედაქალაქისთვის, რომ არა ივანიშვილი, მას მხარს არ დაუჭერდენო. რა გაგიკეთებიათ თბილისელებისთვის და რატომ უნდა მოგცენ თქვენ ხმა?

- პირველ რიგში, უნდა ითქვას, რომ ჩვენს სამინისტროს თბილისში პრობლემები არ ჰქონია, გარდა თბილისის მეტროს პროექტისა, სადაც ჯერჯერობით საინჟინრო სამუშაოები მიდის და არა სამშენებლო სამუშაოები. აქედან გამომდინარე, როგორც მინისტრი თბილისში არ მიწევდა მუშაობა, რეგიონებში მეტს ვმუშაობდი.

რაც შეეხება მანამდელ პერიოდს, დედაქალაქი ჩემთვის უცხო არაა, ბევრი რამ გამიკეთებია. 2005-2006 წელბში ჩვენ დავგეგმეთ იგივე მერიის პროგრამული ბიუჯეტი, რომელიც დაამტკიცა საკრებულომ, რომელიც ჩემი დაწერილი იყო. ორი წლის განმავლობაში ძალინ კარაგად მუშაობდა საკრებულოსთან მერია. თუმცა მერე მიხვდნენ, რომ გამჭვირვალე და პროგრამული ბიუჯეტი მათ არ აწყობდათ. აქედან გამომდიანარე, გააუქმა საკრებულოს გადაწყვეტილება, რომელიც არეგულირებდა ამ საკითხს. მერიაში დღემდე მუშაობენ ადამაინები, რომლებსაც ეს ძალიან კარგად ახსოვთ. ძალიან ბევრი მაქვს ნამუშევარი დედაქალაქის მერიაში იგივე ჯანდაცვითი და სოციალური პროგრამების ადმინისტრირების საკითხებზე.

თუმცა, ივანიშვილის ფაქტორი იქნება მთავარი განმსაზღვრელი ფაქტორი, რატომაც მოგცემენ თბილისელები ხმას?

- რა თქმა უნდა. იქნება გარკვეული კატეგორია, რომელიც ამიტომ დამიჭერს მხარს, იქნება გარკვეული კატეგორია, რომელიც ჩემი პროვნებიდან და გამოცდილებიდან გამომდინარე დამიჭერს მხარს. ეს ყველაფერი, ჯამში, ძალიან საინტერესო სურათს მოგვცემს.

ოპენენტებისგან ელოდებით ახალ „ბარლდებებს“ ან პოლიტიკურ თავდასხმას? ბოლო პერიოდში ძალიან გააქტიურეს კობა თოდუას პატიმრობის საკითხი, რომელიც თქვენი ბიძაშვილია...

- წამოწიონ, არავითარი პრობლემა ეს არაა. ამ საკითხთან დაკავშირებით მიმდინარეობს გამოძიება. არასოდეს არ დამიმალია, რომ კობა თოდუა არის ჩემი ბიძაშვილი. კობა წლების განმავლობაში ემსახურებოდა უსაფრთხოებასთან დაკავშირებულ საკითხებს სამეგრელოსა და აფხაზეთს შორის გამყოფი ხაზის ტერიტორიაზე. დაასახელონ, ეს არაა ჩემთვის კომპრომატი.

სასამართლომ ამ დრომდე ვერ გამოკევეთა მისი დანაშაული...

- ჯერჯერობით, მისი დანაშაული არ მტკიცდება, მიდის გამოძიება. რა უნდა თქვან ნაციონალებმა? ყოველთვის სუფთად და მოწესრიგებულად მიმუშვია. აქედან გამომდინარე ვერანაირ პრობლემას ვერ ვხედავ.