ერთკვირიან ქაოსურ და რადიკალურ პროტესტს ხელისუფლება რევოლუციური სცენარის კიდევ ერთხელ ჩავარდნად აფასებს. თუმცა ჩნდება საფრთხე, რომ ამ უკონტროლო ჯგუფებმა, რომლებიც ქაოსურად მოქმედებენ, არ ჰყავთ ლიდერი და ოპოზიციის წევრები ვერ მართვენ, სამოქალაქო დაპირისპირებამდე მიიყვანოს ქვეყანა, მით უმეტეს, რომ მათ ლიდერობას სალომე ზურაბიშვილი იჩემებს და წაქეზების და რადიკალური ქმედებების მოწოდების გარდა არაფერს აკეთებს. ამიტომ ჩნდება კითხვა ვისთან შესაძლებელია ხელისუფლებამ დიალოგი აწარმოოს? ან რა მოთხოვნები აქვთ ამ ჯგუფებს და რა არის მათი საბოლოო მიზანი? რუსთაველზე სირბილის, ქალაქის ინფრასტრუქტურის განადგურების და პოლიციის დაზიანების გარდა, აქვთ თუ არა მათ მოქმედებებს სხვა რაიმე მიზანი? არსებობს თუ არა იმის ალბათობა, რომ 14 დეკემბერს, პრეზიდენტის არჩევნების დღეს სიტუაცია კიდევ უფრო დაიძაბოს ან სიტუაცია 16 დეკემბერსაც გართულდეს, თუკი ევროსაბჭოში საქართველოსთან დაკავშირებით უარყოფით გადაწყვეტილებას მიიღებენ?

მთავრობის მეთაურის ირაკლი კობახიძის თქმით, თბილისში მიმდინარე პროტესტი რომ ძალადობრივია, ამას დედაქალაქის ქუჩებში არსებული მდგომარეობა და რუსთაველზე დაზიანებული ინფრასტრუქტურაც მოწმობს. პრემიერმა კვლავ არაერთხელ გამოიყენა ტერმინი -ლიბერალური ფაშიზმი. თქვა ისიც, რომ დესტაბილიზაციის მცდელობისთვის პასუხისმგებლობა, კანონის ფარგლებში, მესამე სექტორს და ოპოზიციას მოუწევს. ამასთანავე ხეელისუფლება უკან დახევას, ან რაიმე კომპორმისზე წასვლას ამ ჯგუფებთან არ აპირებს. უფორ მტიც, მათ შესაძლოა, ქვეყნის და სახელმწიფოს გადატრაილების ბრალდებით სასამართლოს წინაშე წარდგენა მოუწიოთ. ამ ერთი კვირის განმავლობაში, ჯამში, 300-მდე ახალგაზრდაა დაკავებული. ასევე დაკავებულები არიან მათი ლიდერები, რომლებიც ამ თავდასხმებს აორგანიზებდნენ.

დედაქალაქის ქუჩებში თითქმის ერთი კვირის განმავლობაში მიმდინარე პროტესტს სრულიად მშვიდობიანს უწოდებს ოპოზიცია. პოლიტიკოსები საზოგადოებრივი მღელვარების მიზეზს მმართველი ძალის შეცდომებში ხედავენ. ამტკიცებენ, რომ დემონსტრანტების ქმედება კონსტიტუციურ ჩარჩოებში ჯდება. ისინი 4 დეკემბერს სასტურმო „მარიოტში“ შეიკრიბნენ და სამოქმედო გეგმაზე ითათბირეს. განაცხადეს, რომ ერთობლივ მოქმედებებს აპირებენ და უკან დახევა არ მოხდება. თუმცა რას გულისხმობენ და გახდება თუ არა კიდევ უფრო მწვავე ამ რადიკალური ჯგუფების მოქმედება, უცნობია. ხელისუფლებაც ამ სიტუაციის ყურებას გულხედაკრეფილი არ აპირებს. დაკავებულები არიან: „ახალის“ ლიდერი ნიკა გვარამია, „გირჩის“ ლიდერი ზურაბ ჯაფარიძე და ალეკო ელისაშვილი.

„ოცნებაში“ კი საპასუხოდ თქვეს, რომ სცენარი, რომელიც ახლა თბილისში ვითარდება დიდი ხანია გაშიფრული აქვთ. მმართველი გუნდის ლიდერების აზრით, პროცესების განვითარება მაიდნის ტაქტიკით იყო ჩაფიქრებული, თუმცა სახელმწიფომ ყველაფრის პრევენცია შეძლო.

ქვეყანაში მიმდინარე საპროტესტო აქციების ფონზე, პრემიერი ამ დრომდე შტატებისა და ევროკავშირის ელჩების რეაქციას ელოდება. ირაკლი კობახიძემ კიდევ ერთხელ განმარტა ისიც, რომ ქვეყანას ევროინტეგრაციის პროცესი არ შეუჩერებია და ასოცირების ხელშეკრულებით ნაკისრ ვალდებულებებს ასრულებს. მთავრობის მეთაური შეერთებულ შტატებთან ურთიერთობის გადატვირთვას 20 იანვრიდან ელოდება, მას შემდეგ რაც თეთრ სახლს ტრამპის ადმინისტრაცია დაიკავებს.

ანალიტიკოსი რამაზ საყვარელიძე for.ge-სთან ამბობს, რომ ქვეყანაში ოპოზიციის და ხელისუფლების გარდა გამოჩნდა მესამე სრულიად ახალი ძალა, რომლებსაც ლიდერი არ ჰყვთ და ქაოსურად მოქმედებენ. საყვარელიძე ამბობს, რომ ამ ახალგაზრდა ჯგუფების მართვა საერთოდ დაკარგულია და ჰგავს იმას, როცა ავოტმობილით დიდი სიჩქარით მიდიხარ და საჭე არ გემორჩილება, ზუსტად ეს მდგომარეობაა.

„სამწუხაროდ, როგორც ეს ახალგაზრდები გამოდიან უკონტროლოდ, არსებობს ასევე იმის საფრთხე, რომ ზუსტად ასე „ოცნების“ ამორჩეველიც გამოვიდეს. ის ხალხი, ვისაც უკვე ამ ოპოზიციის თავგასულება და ქვეყნის მუდმივი რყევა ყელში აქვთ ამოსული. ამის რეალური საფრთხე არსებობს და ღმერთმა დაგვიფაროს ქვეყანა სამოქალაქო დაპირისპირებამდე მივიდეს. ფაქტია, რომ ხელისუფლება უფრო ხისტი სახით ძალის გამოყენებას ერიდება. ამაში ლოგიკაა და ვფიქრობ, რომ ეს სწორი გადაწყვეტილებაც არის. შემდეგ მას დასავლეთიდან მოჰყვება იარლიყების მიკერება, როცა მათივე ქვეყნებში ასეთი აქციები გაცილებით მკაცრად იშლება. არის კიდევ იმის საფრთხე, რომ ძალოვან სტრუქტურებს როცა მიუშვებენ, არ არსებობს იმის გარანტია, რომ ძალას არ გადააჭარბებენ.

ამაზე გამოკვლევებიც არის, როცა პოლიციელს ამდენი აგრესიის და ზიზღის საათობრივად მოთმენა უწევს, შემდეგ მას როცა მომიტინგეების დარბევის საშულება ეძლევა, ის იმდენად ცდილობს ამ აგრესიისგან გათავისუფლებას, რომ ძალას ამეტებს. უფლებას რომ ანიჭებ, ამას რა ხარისხით გამოიყენებს, კაცმა არ იცის. ჩვენ საკმაოდ მძიმე პროცესების წინაშე ვდაგვართ და ვხედავთ უკვე, რომ ამას ხალხიც ათვიცნობიერებს. ამიტომ სუსტდება აქციების რაოდენობა ყოველდღიურად“, - ამბობს საყვარელიძე.

მისივე თქმით, რაც შეეხება ხელისუფლების მოქმედებას და საუბარს იმაზე, რა დათმობაზე უნდა წავიდეს, საყვარელიძე ამბობს, რომ მოთხოვნებიც არა აქვს ამ ჯგუფებს. სრულიად უკონტროლოდ, უშინაარსოდ, ქაოსურად დადიან და წესიერ მოთხოვნებსაც ვერ აყენებენ, ეს კიდევ დამატებით რისკებს აჩენს.

„ხელისუფლება რაზე უნდა დათანხმდეს ამ ახალგაზრდებს, რა მოთხოვნები აქვთ - ხელახალი არჩევნები? სადაა გაყალბების მტკიცებულება, ვერ დადო ოპოზიციამ. ეუთო/ოდირი ამბობს, რომ არაფერი არ გაყალბებულა ისე, რომ ამას არჩევნებზე გავლენა მოეხდინა და შედეგები რადიკალურად შეცვლილიყო. სხვა რა უნდათ, ევროპას რატომ უფრო ძალიან არ ეხვეწებითო? ანუ „ოცნება“ უნდა წავიდეს და თქვას მობრძანდით ხელისუფლებას გითმობთო? ვის უნდა დაუთმოს, ვინ ჰყავთ ლიდერი, ვისაც ქვეყნის მართვა შეუძლია? ოპოზიცია ამდენი ხანია დამალულია და სანამ დაკავებების სახით პირადად არ შეეხო, არ გამოჩდნენ. იმიტომ, რომ მაშინ პასუხისმგებლობა აქციებზე თავად უნდა აიღონ. ბავშვებს აქეზებენ და მერე იმალებიან. აი, ასეთ ოპოზიციას უნდა დაუთმოს „ოცნებამ“ ხელისუფლება? რაც შეეხება ზურაბიშვილს, კი ბატონო, ის ცდილობს რაღაცა ლიდერის პოზიციაში იყოს, მაგრამ ფაქტია, ქუჩა მას არაფრად აგდებს. არც ოპოზიციასთან აქვს ისეთი კომუნიკაცია, რომ ის სერიოზულ ლიდერად იქნას აღქმული. ის არ არის იმ დონის ავტორიტეტი თუნდაც ამ ახალგაზრდებში, რომ მას მოუსმინონ. ამიტომ ხელისუფლებამ ვის წინაშე უნდა დაიხიოს უკან? მოგებულ არჩევნებზე თქვას უარი? მისი ხალხი რომ გამოვიდეს გარეთ და უარესი მოხდეს, ამაზე პასუხს ოპოზიცია აგებს?“, - ამბობს საყვარელიძე.

მისივე თქმით, ახლა ევროპაც და ამერიკაში დარჩენილი დემოკარტები ტრამპამდე სიტუაციის აყირავებას ცდილობენ, ზუსტად ამას ვადევნებთ საქართველოში თვალს. ეს ძალები მაქსიმალურად ცდილობენ ტრამპს არეული და სრულიად ქაოსური სიტუაცია დაახვედრონ.

„ევროპული და ამერიკული სტრუქტურებიც ყველანაირად ცდილობენ, რომ ეს დაძაბულობა გაართულონ. ტრამპს დაახვედრონ სხვა პრობლემებთან ერთად კავკასიაში არსებული დაპირისპირება. ბრძოლა მიდის, დემოკრატები ახლა ცდილობენ კონსერვატორებს რაც შეიძლება მეტი პრობლემა შეტენონ. ამიტომ კავკასიაც არის სამიზნე, რათა სიტუაცია აქ მაქსიმალურად აყირავდეს. ამიტომ ხელისუფლება ფრთხილობს და სიტუაციას ნაბიჯ-ნაბიჯ მიჰყვება. აქ იმაზე მასშტაბური მოვლენები მიდის, ვიდრე ეს ჩვენი ქვეყნის შიდა პრობლემაა“, - ამბობს საყვარელიძე.