The Washington Post-ის ცნობით, კვირას, გვიან საღამოს, ვლადიმერ პუტინი სასწრაფოდ დაბრუნდა სამუშაოდ კრემლში და აშშ-ს არჩეულ ლიდერ დონალდ ტრამპთან სატელეფონო საუბარი ჰქონდა, რომლის დროსაც მხარეებმა უკრაინის ომი განიხილეს. თუმცა, კრემლმა გავრცელებული ინფორმაცია უარყო. „ეს არის სუფთა ფიქცია, ეს არის უბრალოდ მცდარი ინფორმაცია“, - განაცხადა რუსეთის პრეზიდენტის პრესმდივანმა, დიმიტრი პესკოვმა. ტრამპის კამპანიამ არც დაადასტურა და არც უარყო გამოცემის მოხსენება: „ჩვენ არ ვაკეთებთ კომენტარს პრეზიდენტ ტრამპსა და სხვა მსოფლიო ლიდერებს შორის კერძო ზარებზე“.

WP-ის მიერ გამოქვეყნებულ ინფორმაციისთანავე, გერმანიის კანცლერმა ოლაფ შოლცმა გამოაცხადა მზადყოფნა პუტინთან სასაუბროდ. კიდევ ერთი კითხვაა: იქნება ეს კომუნიკაცია ეფექტური? მაგალითად, საფრანგეთის პრეზიდენტ ემანუელ მაკრონს პუტინთან მოლაპარაკებების დიდი გამოცდილება აქვს. უკრაინის ომის პირველ წელს მან დაახლოებით 14-ჯერ დარეკა კრემლში. თუმცა, როგორც ვიცით, ამას არანაირი ეფექტი არ მოჰყოლია.

პოლიტოლოგმა ვლადიმერ ფესენკომ TRT-თან ინტერვიუში ისაუბრა, რა პირობებს წამოაყენებს კრემლი უკრაინაში ომის შესაჩერებლად და რატომ არის სამშვიდობო მოლაპარაკებების დაწყება თითქმის გარდაუვალი პროცესი.

ვლადიმერ ფესენკო: გაზეთ WP-ს საინტერესო რეპუტაცია აქვს. ადრე დემოკრატებთან დაახლოებული იყო, ახლანდელ მფლობელს კი აშკარად სურს ტრამპისადმი ლოიალობა გამოავლინოს, რის გამოც რედაქციაშიც კი წინასაარჩევნოდ სკანდალი გაჩნდა. ამიტომ, ეს გაჟონვა შესაძლოა საკმაოდ მიზანმიმართული იყოს.

ის, რომ ტრამპსა და პუტინს შორის მოლაპარაკებები დაიწყება, მხოლოდ დროის საკითხია და ორმხრივად მისაღებ ფორმატზე შეთანხმება. აქ კი მნიშვნელოვანია ყურადღება მიაქციოთ პუბლიკაციების სიმრავლეს ომის დასრულების შესახებ განსხვავებული იდეებით. უკვე იმდენია, რომ შეიძლება დაიბნე. რაღაც მხრივ ისინი ემთხვევა ერთმანეთს, ზოგში კი პირიქით, ეწინააღმდეგება ერთმანეთს. ეს იმაზე მეტყველებს, რომ ამ დროისთვის არ არსებობს მკაფიო ოფიციალური შეთანხმებული გეგმა და მოლაპარაკების სტრატეგია.

რა პირობები შეიძლება იყოს?

- ყველაზე სარწმუნო იდეა არის ომის გაყინვა ფრონტის ხაზზე. ერთი შეხედვით, ეს ყველაზე მარტივი სცენარია. მაგრამ აქაც ბევრი კითხვა ჩნდება: ფრონტის ხაზი და დემილიტარიზებული ზონები უნდა იყოს შეთანხმებული. ცეცხლის შეწყვეტის პროცედურა მოითხოვს სერიოზულ მოსამზადებელ სამუშაოებს.

აქ ასევე ჩნდება რთული პოლიტიკური კითხვა: ვინ დააკვირდება ზავის დაცვას? რუსეთი არ დათანხმდება ევროპელების მონაწილეობას, რადგან კრემლი მათ უკრაინის მოკავშირედ აღიქვამს. შესაბამისად, უნდა არსებობდეს ნეიტრალური მხარე. საერთაშორისო ორგანიზაციებიდან ასეთი როლისთვის მზად არის მხოლოდ გაერო, მაგრამ ამას ორგანიზაციული და საბიუჯეტო საკითხების კოორდინაციაც დასჭირდება. მაგრამ გაყინვა ჯერჯერობით ყველაზე სავარაუდო სცენარია, რომლის ირგვლივ უკვე განიხილება სხვა დეტალები.

როგორი შეიძლება იყოს მოლაპარაკების პროცესის ფორმატი?

- სხვა ქვეყნებსაც შეუძლიათ შეუერთდნენ. და, რა თქმა უნდა, ეს იქნება შეერთებული შტატები, რადგან პუტინს რეალურად სურს მოლაპარაკება არა უკრაინასთან, არამედ ამერიკასთან. ეს შეიძლება იყოს ერთგვარი პარალელური გზა აშშ-სა და რუსეთს შორის, ასევე უკრაინასა და რუსეთს შორის. მოსკოვი და კიევი შუამავლის გარეშე შეთანხმებას ვერ მიაღწევენ. ასე რომ, ახლა უფრო მეტი კითხვაა, ვიდრე პასუხი.

არსებობს მოსაზრება, რომ ტრამპს შეუძლია უკრაინა არახელსაყრელი პირობებისკენ წაიყვანოს, ეს მართალია?

- ამერიკული მხარე ზეწოლას მოახდენს როგორც უკრაინაზე, ასევე რუსეთზე. თუ კიევი უარს იტყვის კომპრომისულ ვარიანტზე, შეერთებულმა შტატები შეიძლება დაემუქროს სამხედრო დახმარების შემცირებაზე. თუ რუსეთი არ წავა დათმობებზე, მაშინ ამერიკის სამხედრო დახმარება, პირიქით, შეიძლება გაიზარდოს. ვაშინგტონს სხვა ბერკეტებიც აქვს, მაგალითად, ნავთობის ფასებს შეამცირებს მსოფლიო ბაზარზე.

- რა შეიძლება სცადოს რუსულმა მხარემ მოლაპარაკებაზე ცეცხლის შეწყვეტის სანაცვლოდ?

- დარწმუნებული ვარ, რომ პუტინი წამოაყენებს მოთხოვნების მთელ სიას. და, ეს არ იქნება მხოლოდ ტერიტორიებთან დაკავშრებული. შეგახსენებთ, რომ კრემლი ითხოვს არა მხოლოდ ოკუპირებული ტერიტორიების აღიარებას, არამედ ითხოვს, რომ უკრაინამ დათმობს როგორც ხერსონი, ასევე ზაპოროჟიე.

რუსეთი ასევე დაჟინებით მოითხოვს უკრაინის ნატოში გაწევრიანებაზე უარის თქმას და აქ ტრამპი შესაძლოა შუა გზაზე აღმოჩნდეს. გარდა ამისა, ჩვენ ვისაუბრებთ უკრაინის არმიისა და მისი შეიარაღების მკვეთრ შემცირებაზე, რაც უკვე მიუღებელია კიევისთვის. ძლიერი არმია ქვეყნის უსაფრთხოების გარანტიაა მომავლისთვის.

ასევე, პუტინმა შესაძლოა მოითხოვოს პრორუსული პოლიტიკური ძალების ლეგალიზაცია და რეაბილიტაცია, ასევე ცვლილებები უკრაინის კანონმდებლობაში რუსული ენის სტატუსთან დაკავშირებით. მეეჭვება, რომ აქაც იყოს რაიმე კომპრომისი. ენის რეფორმის ცვლილებებს უკრაინის მოსახლეობა საკმაოდ მტკივნეულად აღიქვამს და საბჭოთა სიმბოლოების აღდგენა უბრალოდ შეურაცხმყოფელი იქნება.

მოითხოვს თუ არა რუსეთის ფედერაცია სანქციების მოხსნას?

- რა თქმა უნდა. არ გამოვრიცხავ ტრამპი დათანხმდეს შეზღუდვების ნაწილობრივ მოხსნას და თანდათანობით მოხსნას ომის დასრულების სანაცვლოდ. ასეთი იდეები გამოთქვეს ტრამპმაც და გუნდის ზოგიერთმა წევრმაც.

შოლცმა გამოთქვა მზადყოფნა, დაურეკოს პუტინს. შეიძლება ველოდოთ, რომ სხვა პოლიტიკოსები გააქტიურდებიან ამ მიმართულებით?

- გერმანიის კანცლერი შეეცდება მონაწილეობა მიიღოს მომავალ მოლაპარაკებებში, რადგან მას სურს მშვიდობისმყოფელის როლის მორგება. შოლცისთვის ეს იქნება მისი განახლებული პოლიტიკური იმიჯის ნაწილი. სხვა საქმეა, რომ პუტინი მას ეფექტურ მომლაპარაკებლად არ აღიქვამს. მისთვის მთავარია ტრამპთან მოლაპარაკება. ასევე მაქსიმალურ ყურადღებას მივაქცევდი G20-ის სამიტს, რომელიც ნოემბრის შუა რიცხვებში გაიმართება, სადაც უკრაინაში ომის დასრულების საკითხი განიხილება. არ გამოვრიცხავ, რომ ბრაზილიამ და ჩინეთმა საპირისპირო წინადადებები წამოაყენონ და სამშვიდობო გეგმებს შორის კონკურენცია დავინახოთ. ასე რომ, ახლა რუსეთ-უკრაინის ომის მოგვარების თემა ერთ-ერთი მთავარი იქნება მინიმუმ მომდევნო თვეში.

წყარო: https://www.trtrussian.com/politika/bolshaya-sdelka-putina-i-trampa-nachinaetsya-18230954