პაკისტანის ქალაქ კვეტას რკინიგზის სადგურზე მომხდარ აფეთქებას 24 ადამიანი ემსხვერპლა. ინფორმაციას Reuters-ი ავრცელებს.
სააგენტოს ცნობით, აფეთქების შედეგად 40-ზე მეტი ადამიანი დაშავდა. წინასწარი ინფორმაციით, კვეტას რკინიგზის სადგურზე ბომბი აფეთქდა.
დაღუპულთა შორის არიან სამხედროები. „აფეთქების ორგანიზატორთა მიზანს ქვეითთა სკოლის სამხედრო მოსამსახურეები წარმოადგენდა“, - ციტირებს Reuters-ი ბელუჯისტანის ოლქის პოლიციის გენერალურ ინსპექტორს მუზამ ჯაჰ ანსარის.
მომხდარზე პასუხისმგებლობა სეპარატისტულმა გასამხედროებულმა დაჯგუფებამ „ბელუჯისტანის გამათავისუფლებელმა არმიამ“ აიღო. დაჯგუფება პროვინცია ბელუჯისტანის დამოუკიდებლობას ითხოვს.
