ცალსახად შემიძლია გითხრათ, რომ 78-ე მუხლის არც ამოღება და არც შესწორება არ იგულისხმება ამ პუნქტში, - განაცხადა საქართველოს პრემიერ-მინისტრმა და „ქართული ოცნების" საარჩევნო შტაბის ხელმძღვანელმა ირაკლი კობახიძემ.
მთავრობის მეთაურმა უპასუხა კითხვას - მმართველი გუნდი კონსტიტუციიდან 78-ე მუხლის ამოღებას გეგმავს? ჟურნალისტის თქმით, „ქართული ოცნების“ პოლიტსაბჭოს განცხადების მეოთხე პუნქტი საიდუმლოა, რაც ზოგისთვის ეჭვებს ბადებს, რომ საკითხი სწორედ ამ მუხლის ამოღებას ეხება.
„[მეოთხე პუნქტში] იგულისხმება სხვა რამ, რასაც მოგვიანებით დავაკონკრეტებთ იმ შემთხვევაში, თუ შესაბამისი კონსულტაციები წარმატებით დასრულდება“, - აღნიშნა კობახიძემ.
„ქართული ოცნების“ პოლიტსაბჭომ განცხადება 20 აგვისტოს გაავრცელა.
