ხელისუფლების მხრიდან ყველა შესაძლო ზომა იქნება მიღებული იმისათვის, რომ უზრუნველვყოთ ჩვენი მოქალაქეების ინტერესების დაცვა, როგორც ეს ხდება ხოლმე ტრადიციულად, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს საოკუპაციო რეჟიმის წარმომადგენლების მიერ საქართველოს მოქალაქეების დაკავებასთან დაკავშირებული კითხვის საპასუხოდ განუცხადა.
მთავრობის მეთაურმა აღნიშნა, რომ როდესაც საქმე ეხება საქართველოს მოქალაქეებს, ხელისუფლება ყოველთვის ქმედით ფორმას მიმართავს.
„სადაც საუბარია ჩვენს თანამოქალაქეებზე, რა თქმა უნდა, ხელისუფლების მხრიდან ყველა შესაძლო ზომა იქნება მიღებული იმისათვის, რომ უზრუნველვყოთ მათი ინტერესების დაცვა, როგორც ეს ხდება ხოლმე ტრადიციულად. თქვენ იცით, რომ ხელისუფლება ყოველთვის მოქმედებს ქმედითი ფორმით. ამ შემთხვევაშიც, როდესაც საუბარია ჩვენს თანამოქალაქეებზე, რა თქმა უნდა, მათი ინტერესების და უფლებების დასაცავად ყველაფერი გაკეთდება", - განაცხადა პრემიერ-მინისტრმა.
