„იქ სადაც ზაზა ფაჩულია პარტნიორია - წარმატება და წესიერება საწინდარია. სამშენებლო კომპანია „არქი“ დღეს დილიდან თავის აშენებულ ბინებზე დიდი ფასდაკლების აქციას ატარებს. ვერც წარმოვიდგენდი ამდენ მსურველს ფილარმონიაში ჩატარებულ ღონისძიებაზე,“ - ამის შესახებ პარტია „ხალხის ძალის“ წევრი, დავით ქართველიშვილი, სოციალურ ქსელში წერს.
მისი განცხადებით, ასეთი რამ „დაქცეული“ ქვეყნის და „განადგურებული“ ეკონომიკის პირობებში არ ხდება, ხოლო იმის დასამტკიცებლად, რომ ბინების მსურველები არა რუსები და არაბები, არამედ ქართველები არიან, ქართველიშვილი „არქის“ ოფისში გადაღებულ ფოტოებსაც აქვეყნებს.
„იქ სადაც ზაზა ფაჩულიაა პარტნიორი - წარმატება და წესიერება საწინდარია. სამშენებლო კომპანია „არქი“ დღეს დილიდან თავის აშენებულ ბინებზე დიდი ფასდაკლების აქციას ატარებს. ვერც წარმოვიდგენდი ამდენ მსურველს ფილარმონიაში ჩატარებულ ღონისძიებაზე. ვერ წარმოვიდგენდი, რომ ასეთი რაოდენობის ადამიანს დღეს აქვს შესაძლებლობა, თუნდაც შეღავათით, მაგრამ თბილისში ბინა შეიძინოს. გვახსოვს „შავი პარასკევების“ კადრები ჩანთებზე თუ ტელევიზორებზე. აქ კი - ბინებია! და ეს ყველაფერი „დაქცეული“ ქვეყნის და „განადგურებული“ ეკონომიკის პირობებში?
ვიღაცამ რომ არ თქვას - რუსები და არაბები არიანო ალბათ, ფოტოებსაც მივაყოლებ: დიახ, ქართველებს ჰქონდათ დღეს „შავი შაბათი“, ფაქტობრივად Black Sabbath-ი - წარმატებულ, შეძლებულ ქართველებს. ალბათ ასეთივე წარმატებულ ქვეყანაში. შეგერგოთ! გილოცავთ!” - წერს დავით ქართველიშვილი.
