პარიზში, საპენსიო რეფორმის წინააღმდეგ გამართული აქცია, პოლიციასთან დაპირისპირებასა და არეულობაში გადაიზარდა, სამართალდამცველებმა დემონსტრანტების წინააღმდეგ, ცრემლსადენი გაზი გამოიყენეს.
აქციის მონაწილეებმა, პრეზიდენტ მაკრონის მიერ დაანონსებული რეფორმა გააპროტესტეს, რომლის მიხედვითაც, 2030 წლიდან საფრანგეთში საპენსიო ასაკი, 62-დან 64 წლამდე უნდა გაიზარდოს.
სოციოლოგიური გამოკითხვების მიხედვით, მთავრობის გეგმას ფრანგების უმეტესობა არ ეთანხმება. მიუხედავად ამისა, საფრანგეთის ხელისუფლება პოზიციების დათმობას არ აპირებს.
