პოლონეთის პოლიციის მთავარ სამმართველოში აფეთქება მოხდა. შედეგად პირველ სართულზე ერთ-ერთ ოთახში ჭერი ჩამოინგრა.
შინაგან საქმეთა სამინისტრო იუწყება, რომ აფეთქდა ერთ-ერთი ამანათი, რომელიც კომენდანტმა უკრაინაში სამუშაო ვიზიტის დროს საჩუქრის სახით მიიღო. განცხადებაში არაა დაკონკრეტებული, რა საჩუქარზეა საუბარი.
ინციდენტისას ქვეყნის მთავარი პოლიციელი დაშავდა. ის ჰოსპიტალიზებულია.
