უკრაინის პრეზიდენტის ოფისის ხელმძღვანელის მრჩეველმა, ალექსეი არესტოვიჩმა განაცხადა, რომ მისი შეფასებით, ომის დაწყებიდან დღემდე 10 ათასამდე უკრაინელი სამხედრო დაიღუპა. ამის შესახებ ადგილობრივი მედია წერს.
„კონფლიქტის დასაწყისში დღე-ღამეში საშუალოდ 100 ადამიანი გვეღუპებოდა. მაგრამ პირველი 20-30 დღის განმავლობაში რუსულ არმიას დღე-ღამეში 1000 ადამიანი ეღუპებოდა. ახლა რუსეთი დღე-ღამეში სულ მცირე 200-300 ადამიანს კარგავს“, - განაცხადა არესტოვიჩმა Youtube-არხის „ფეიგინ LIVE“ ეთერში საუბრისას.
კითხვას, შეიძლება თუ არა ამ მონაცემებზე დაყრდნობით იმის თქმა, რომ უკრაინულმა ჯარმა 10 ათასამდე მებრძოლი დაკარგა არესტოვიჩმა უპასუხა: „დიახ, დახლოებით ასეა“.
