საფრანგეთის პრეზიდენტმა, ემანუელ მაკრონმა უკრაინის პრეზიდენტ ვოლოდიმირ ზელენსკის უპასუხა, რომელმაც საფრანგეთის უარი უკრაინაში გენოციდის ცნების აღიარებაზე ძალიან მტკივნეულად მიიჩნია.

„საფრანგეთი ქვეყანაა, რომელიც უკრაინას ყველაზე მეტად დაეხმარა საკუთარი თავის დასაცავად აღჭურვაში 2010-2014 წლების პერიოდში. სიტყვებს მნიშვნელობა აქვს და ჩვენ ყველანი ძალიან ფრთხილად უნდა ვიყოთ. სიტყვა გენოციდს მნიშვნელობა აქვს, რომელიც კვალიფიცირებული უნდა იყოს იურისტების და არა პოლიტიკოსების მიერ“, - აღნიშნა ემანუელ მაკრონმა.

საფრანგეთის პრეზიდენტმა, ემანუელ მაკრონმა სატელევიზიო ინტერვიუში უარი თქვა უკრაინაში რუსეთის ქმედებების გენოციდად აღწერაზე.

კითხვაზე, გამოიყენებდა თუ არა ის, ისევე როგორც აშშ-ის პრეზიდენტი ჯო ბაიდენი, ტერმინ გენოციდს რუსი სამხედროების მიერ უკრაინელების მკვლელობისთვის, მაკრონმა უპასუხა:

დღეს ასეთ ტერმინებთან ფრთხილად ვიქნებოდი, რადგან ეს ორი ხალხი [რუსები და უკრაინელები] ძმები არიან.

საფრანგეთის პრეზიდენტის თქმით, მას სურს, შეძლებისდაგვარად, გააგრძელოს ძალისხმევა ომის გასაჩერებლად და მშვიდობის აღსადგენად.