„ეს უკრაინელების მიერ განხორციელებული რეიდი იყო. დაბალი ჭერის მეშვეობით შეფრინდა ბელგოროდის ტერიტორიაზე და მოახდინა დივერსიული აქტი, განადგურებულია საწვავი მარაგების შესანახი ბაზა - უკრაინა ამით ცდილობს, რომ გაანაგუროს რუსეთის შეიარაღებული ძალების პოტენციალი, რომელიც რუსეთმა, სავარაუდოდ, უკვე დაძრა ხარკოვისა და დონბასის მიმართულებით”, - განაცხადა სამედრო ექსპერტმა, ვახტანგ მაისაიამ For.ge-სთან ინტერვიუში.

რუსეთის ქალაქ ბელგოროდში, ერთ-ერთ ნავთობ ბაზაზე, საავიაციო დარტყმა განხორციელდა, რის შედეგადაც, როგორც ადგილობრივი გუბერნატორი აცხადებს, იწვის 8 ავზი. აღნიშნულში რუსული მხარე უკრაინას ადანაშაულებს. უკრაინის თავდაცვის სამინისტრო კი საპასუხოდ აცხადებს, რომ უკრაინა თავდაცვის ოპერაციას აწარმოებს და პასუხისმგებლობას ვერ აიღებს რუსეთის ტერიტორიაზე მომხდარ ყველა კატასტროფაზე. პირველ რიგში, ამის შესახებ, რომ ვისაუბროთ.

- ეს უკრაინელების მიერ განხორციელებული რეიდი იყო. დაბალი ჭერის მეშვეობით შეფრინდა ბელგოროდის ტერიტორიაზე და მოახდინა დივერსიული აქტი, განადგურებულია საწვავის მარაგების შესანახი ბაზა. ეს არის პირველი ნაბიჯი, რომელიც უკრაინელმა სამხედროებმა განახოციელეს. რუსეთის ტერიტორიაზე შეიარაღებული თავდასხმა მოსალოდნელიც იყო.

ორივეს ერთი და იგივე ტიპის შეიარაღება აქვთ და გარჩევა დილის 7 საათზე, რომელიც თვითმფრინავი მოფრინავს, საკმაოდ რთულია და რუსეთს არ ჰქონდა ამოქმედებული რადიოელექტრონული ბრძოლის სისტემები. რუსეთი არ ელოდა ასეთ ქმედებას უკრაინისაგან. ეს მანევრი განახორციელებულ იქნა ორი მიზნით - პირველი, ეს არის პიარ-აქცია, მეორე - უკრაინა ამით ცდილობს, რომ გაანაგუროს რუსეთის შეიარაღებული ძალების პოტენციალი, რომელიც რუსეთმა, სავარაუდოდ, უკვე დაძრა ხარკოვისა და დონბასის მიმართულებით.

უახლოეს დღეებში, რუსები, ალბათ, დაიწყენებს სამხედრო ოპერაციის მეორე ფაზას, სადაც ძირითადი ყურადღება გადატანილი იქნება სწორედ ხარკოვში, სუმისა და დონბასის მიმართულებით.

ვის რა რესურსი გააჩნია დღეს და ვისი რესურსი არის უფრო მეტად მილევადი?

- არ ვფიქრობ, რომ რუსეთის რესურსი მილევადია. საბრძოლო მოქმედებები, დინამიკა და წარმოებული ინტენსივობა ამის საფუძველს არ იძლევა. მილევადი უფრო არის უკრაინული რესურსები.

ვხედავთ, რომ რუსეთი ულტიმატუმის ენის აღარ საუბრობს. შესაძლოა თუ არა ჩავთვალოთ, რუსეთი უკან იხევს, თუმცა ამ უკან დახევისას, კუდი საქართველოში მოიქნიოს? თანაც, ვხედავთ, რომ ოკუპირებული ცხინავლის რეგიონის საკითხი გაქტიურდა ბოლო პერიოდში.

- პუტინი არ შეეშვება უკრაინას, ვიდრე არ მიაღწევს საბოლოო მიზანს, თუმცა გაურკვეველია, პუტინს რა საბოლოო მიზნები აქვს. ფაქტია, რომ კიევთან მოახდინა დეოკუპაცია, ჯარები გამოიყვანა ჩერნობილის ბირთვული ელექტროსდგურიდან, შესაბამისად, კონცენტრაციას ახდენს სამხრეთისა და აღმოსავლეთის მიმართულებით. როგორც ჩანს, ეს ნიშნავს იმას, რომ რუსეთი მეორე ფაზის მეშვეობით ახორციელებს ომის ახალი დინამიკის განვითარებას. მთავარი იდეა არის, რომ დაიკავოს მთლიანად დონბასის ტერიტორია და შემდგომში განახორციელოს უკრაინის ისეთი ქალაქების აღება, როგორიც არის დნეპრი, ზაპოროჟიე და ოდესა, რომ ისინი უკვე გავიდნენ მოლდოვის მიმართულებით, მოლდოვაზეც მოიქნიონ თავიანთი მახვილი. აქ ბრძოლა მხოლოდ უკრაინაზე არ არის, არამედ მოლდოვაზეც.

კიევის დედაქალაქს რომ ვერ აიღებდა პუტინი, ეს ისედაც გასაგები იყო, შეიძლება მას ჰქონდა იმედი, რომ იქ მოსახლეობას შეხვდებოდა და ყვავილებით და კეთილგანწყობით რამეს მიაღწევდა, მაგრამ ეს მომენტი ჩაუვარდა. რუსეთს საკმაოდ სერიოზული დაჯგუფება ჰყავდა, რომ კიევის ბლოკადა განეხორციელებინა, ახლა მთავარი გრავიტაცია გადავიდა დონბასის მიმართულებით. ვინც დონბასის ბრძოლას მოიგებს, ის იქნება გამარჯვებული.

რამდენად გაამართლებს რუსეთის შეცვლილი ტაქტიკა და რა პერსპექტივა აქვს ამას?

- რუსეთი არის მეორე მსოფლიო ომის ჰეგემონი ქვეყანა. ჰეგემონ სახელმწიფოებს გარკვეუწილად სჩვევითა ტაქტიკური დამარცხებები. უკრაინის ძლევამოსილება მარცხდება უკრაინაში, ეს გასაკვირი ნამდვილად არ არის. რუსეთმა პირველი რაუნდი წააგო, მაგრამ ეს არ ნიშნავს იმას, რომ ომი წააგო. მეორე რაუნდში შეიძლება მან საკმაოდ სერიოზულად მოიქნიოს კუდი, ეს სამწუხარო რეალობა რჩება.

რაც შეეხება საქართველოს საკითხს?

- საქართველო რუსეთს მგონი საერთოდ არც უყურებს და ფიქრობს, რომ ის ამ პრობლემას მოაგვარებს მარცხენა ფეხის ნეკა თითით. საქართველო უკრაინა არ არის და რუსეთისთვის გაცილებით იოლია „პრობლემის მოგვარება,“ თუ რუსეთის მხრიდან შევხედავთ. მოდლოვა და საქართველო რუსეთისთვის, ფაქტობრივად, არ წარმოადგენენ სერიოზულ ძალას, მაგრამ უკრაინა სხვა არის.

თქვენ პირადად როგორ შეაფასებთ უკრაინის პრეზიდენტის, ვოლოდიმერ ზელენსკის მიერ ელჩის გაწვევის თემას?

- მესმის უკრაინის ხელმძღვნელობის, რომ ისინი ჩვენგან უფრო მეტს მოითხოვდნენ, როგორც სტრატეგიული მოკავშირეებისაგან. იმედი მაქვს, რომ ეს არ არის დიპლომატიური ურთიერთობის გარღვევა და არის უბრალოდ გაყინვა. ამ შემთხვევაში, უკვე, ყველა თავისი ინტერესიდან მოქმედებს. საქართველო არ არის ის ქვეყანა, რომელსაც შეუძლია უკრაინის გაუწიოს სამხედრო დახმარება.

ეს გადაწყვეტილება უკავშირდება საქართველოს მთავრობის განცხადებებს და ქმედებებს. საქართველოსაც გააჩნია ახლა თავისი პრეტენზიები. 2008 წელს იუშჩენკო ჩამოვიდა ჩვენთან და გამოგვიცხადა სრული სოლიდარობა, მაგრამ მაშინდელი მოქმედი პრემიერ-მინისტრი პუტინს ეახლა მოსკოვში და იქ ჩვენ დაგვცინა.

ამასთან, საქართველოში მართლაც ჯალათები და სახელმწიფო დამნაშავეები უკრაინაში მაღალ თანამდებობაზე ინიშნებიან, რამდენად არის ეს მეგობრული ჟესტი, მეორე საკითხია. გასაგებია, ახლა უკრაინა ომშია, უნდა დავივიწყოთ ეს ყველაფერი. რუსეთს ომი გამოვუცხადოთ, საქართველო ამისთვის მზად ნამდვილად არ არის და საქართველომ ამისთვის გადაიხადა საკმაოდ მაღალი ფასი იმის მიუხედავად, რომ ჩვენ არ დაგვიწყია რუსეთთან ომი.