ჩრდილოეთ კორეა აცხადებს, რომ მსოფლიო შეუძლია შეარყიოს რაკეტებით, რომლებიც აშშ-ის ტერიტორიას მიაღწევენ.
„დღევანდელ მსოფლიოში, სადაც ბევრი ქვეყანა დროს კარგავს შეერთებულ შტატებთან ბრმა მორჩილებაში, ამ პლანეტაზე მხოლოდ ჩვენს ქვეყანას შეუძლია მსოფლიო შეარყიოს რაკეტის გაშვებით, რომელსაც აშშ-ის ტერიტორიამდე მიღწევა შეუძლია. მსოფლიოში 200-ზე მეტი ქვეყანაა, მაგრამ მხოლოდ რამდენიმეს აქვს წყალბადის ბომბი, კონტინენტთაშორისი ბალისტიკური რაკეტები და ჰიპერბგერითი რაკეტები“, - განაცხადეს ჩრდილოეთ კორეის საგარეო საქმეთა სამინისტროში.
აშშ-სა და ჩრდილოეთ კორეას შორის დაძაბულობა მას შემდეგ გაიზარდა, რაც ჩრდილოეთ კორეამ იანვარში რაკეტების რეკორდული რაოდენობა გამოსცადა.
გაერომ ახლახან დაადგინა, რომ ჩრდილოეთ კორეამ თავისი სარაკეტო შესაძლებლობები გაზარდა და კიბერთავდასხმების შედეგად მილიონობით დოლარი გამოიმუშავა.
ჩრდილოეთ კორეის საგარეო უწყებაში აღნიშნავენ, რომ რაკეტები ომის შეკავების ფაქტორია და ქვეყნისთვის მნიშვნელოვან მიღწევას წარმოადგენს.
