იმის მიუხედავად, რომ საქართველოს ყოფილმა პრეზიდენტმა, მიხეილ სააკაშვილმა არჩევნების წინ უკვე მერამდენედ, საქართველოში ჩამოსვლა დააანონსა, განვიხილოთ ის სცენარი, რაც შესაძლებელია 2 ოქტომბერს ღამის 12 საათზე განვითარდეს: ერთი ვერსიის თანახმად, ექპრეზიდენტი შესაძლოა, აეროპორტში, თვითმფრინავის ბორტზევე დააკავონ, მეორე ვერსიის მიხედვით კი, დაძაბულობის თავიდან არიდებს მიზნით, მაშინვე არ მოხდეს მისი დაპატიმრება.

ანალიტიკურ და პოლიტიკურ წრეებში აქტიურად საუბრობენ იმაზე, რომ ქვეყანაში დაპირირსპირება აუცილებლად მოხდება და ყველაზე ცუდ შემთხვევაში, არც სისხლისღვრა არის გამორიცხული. აეროპორტში შესაძლოა, მოხდეს, როგორც „ერთიანი ნაციონალური მოძრაობის“ მომხრეების მობილიზება, ასევე „ქართული ოცნების“ მხარდამჭერებისაც. სწორედ ამ ორ ბანაკს შორის არის მოსალოდნელი დაპირისპისრება, რამაც შესაძლოა, სამოქალაქო ომამდე მიგვიყვანოს.

ანალიტიკოსი მამუკა არეშიძე მიიჩნევს, რომ სააკაშვილმა საქართველოში ჩამოსვლა შეიძლება გადაიფიქროს და ამის მიზეზად დაასახელოს ის, რომ „უკრაინელებმა არ აუშვეს თვითმფრინავში“. იგი ფიქრობს, რომ ყველა შემთხვევაში ესკალაცია მოსალოდნელია და ამ ყველაფერს შესაძლოა, ძალიან ცუდი დასასრული ჰქონდეს. მისივე განცხადებით, ოპოზიცია მორიგი რევოლუციისთვის ემზადება.

ანალიტიკოსის თქმით, ყოველი არჩევნების წინ, ყოფილი პრეზიდენტი მისი განცხადებებით „ქართული ოცნების“ მომხრეების მობილიზებას ახდენს და საბოლოო ჯამში, ის ჯერ კიდევ ვერ ვიხილეთ საქართველოში. არეშიძე არც იმას გამორიცხავს, რომ ამას სააკაშვილი უსასყიდლოდ არ აკეთებდეს და ხელისუფლებასთან გარკვეულ გარიგებაში იყოს.

„რამდემენე ვერიაა: 1. აუცილებლად დააკავებენ თვითმფრინავის ტრაპზე; 2. არ წამოვა, რადგან იტყვის, რომ „უკრაინელებმა თვითმფრინავში არ ამიშვეს“: 3. შეიძლება საერთოდ გადადოს წამოსვლა იქიდან გამომდინარე, როგორ განვითარდება აქ მოვლენები. ყველა შემთხვევაში ეს გამოიწვევს ახალ რყევებს ქვეყანაში და ისევ გაგრძელდება ის პროცესი, რომელიც 2020 წლის არჩევნების შემდეგ დაიწყო, - მუდმივი სტრესული ვითარება და მუდმივი დაძაბული მდგომარეობა, დამატებით, გაუცხოება ჩვენსა და ჩვენს პარტნიორებს შორის. რევანშისტული განწყობა არსებობს. ამ რყევებში შედის არეულობა, რევოლუციური სცენარი, მომხრეებისა და მოწინააღმდეგეების ერთმანეთთან დაჯახება. აეროპორტში მე ვხედავ, რომ ხალხის მობილიზება ხდება, როგორც „ნაციონალური მოძრაობის“ მხრიდან, ასევე შეიძლება „ოცნების“ მხრიდანაც იყოს, მაგრამ მე ვხედავ ხალხს, რომელიც თვითონ აპირებს მობილიზებას, ეს ის ხალხია, ვინც მაშინდელი რეპრესიების დროს ძალიან სერიოზულად დაიჩაგრა, ანუ მიშას წინააღმდეგ იყვნენ მიმართული. ეს მაშინებს ზუსტად, რომ დაპირისპირება იქნება გაუთავებელი, ისეთი დაპირისპირება შეიძლება მოხდეს, რომ სისხლი დაიღვაროს და ეტყობა ასე უნდათ მათ.

ასეთი ვერსია არსებობს და ბევრი ნიშანი მაქვს ამისა, რომ სააკაშვილი „ოცნების“ მომხრეების მობილიზებას ახდენდეს (არა უსასყიდლოდ) - მე ვერ დავიწყებ იმის მტკიცებას, რაც ზუსტად არ ვიცი, - ლოგიკა გვკარნახობს ასეთ რამეს და გარკვეული ინფორმაციაც არსებობს. აბსოლუტურად გაუგებარია მისი ქმედება, ეს ნიშნავს, რომ ჩაშალო არჩევნები. იმით, რომ შენ ჩამოდიხარ, მობილიზაცია გაუკეთო შენს მოწინააღმდეგეებს, რომელთაც გული აქვთ აცრუებული მმართველ ძალაზე, მაგრამ ოღონდ შენ არ ჩამოგიშვან, მოვარდებიან არჩევნებზე. ვერსიების კასკადია და უტყუარი ინფორმაცია არავის აქვს, ნურავინ დაიჩემებს იმას, რომ ზუსტად იცის როგორ ხდება, გარდა იმ ადამიანებისა, ვისაც ერთმანეთში აქვს სავარაუდო მოლაპარაკება.

თუ რეფერენდუმია, ალბათ, იმის რეფერენდუმიც არის, ქვეყანა უნდა დაინგრეს თუ არა, ეტყობა უნდა დაინგრეს, ვიღაცა ამის რეფერენდუმსაც ატარებს. როგორ განვითარება მოვლენები 2-3 ოქტომბერს იმაზეა დამოკიდებული ყველაფერი. რამდენიმე რეგიონში ვიყავი, ერთ ადგილას აქტიურად მიდის წინასაარჩევნო კამპანია, აქტიურობს ოპოზიცია და მეორე რეგიონში არაფერი ხდება. ამიტომ შთაბეჭდილება მრჩება, რომ ესენი 2-სთვის კი არა 3 ოქტომბრისთვის ემზადებიან. ყველა ვარიანტში ცუდ დასასრულს ველოდები, ყველა ვარიანტში მოხდება გარკვეული ტიპის დაპირისპირება, აქცენტის გადატანა არჩევნების ჩაშლაზე.

ამ რეფერენდუმსაც არავინ ჩაატარებს, ტყუილია ეს. ოპოზიციასა და ხელისუფლებას შორის იმხელა უფსკრულია, რომ ოპოზიცია მიდის ვა-ბანკზე. ოპოზიცია ცდილობს აიღოს რევანში, ეს ეხება იმ პოლიტიკურ ძალებს, რომლებიც არიან შობილი „ნაციონალური მოძრაობის“ წიაღში. რაც შეეხება ხელისუფლებას, მას აქვს თავისი სერიზული მინუსები, რადგან ძალიან ბევრი იმედი გაუცრუა ხალხს, გარდა ამისა, დაძაბული ურთიერთობა აქვს ჩვენი დასავლელი პარტნიორების ნაწილთან. ხელისუფლებამ ბოლო წლების განმავლობაში უამრავი პრემიერი დაკარგა, ამ პრემიერებიდან ერთ-ერთი ოპოზიციაშია გადასული. ახლა მოვიდა პრემიერი, რომელიც შედარებით უფრო გამოხატავს „ქართული ოცნების“ ვეტერანების სურვილებს და იდეალების მსხურებას ცდილობს, რის გამოც 2012 წელს „ქართულმა ოცნებამ“ გაიმარჯვა“, - განაცხადა მამუკა არეშიძე For-ge-სთან.

ანალიტიკოსი ნიკა ჩიტაძე აღნიშნავს, რომ სააკაშვილის ბოლო განცხადება საქართველოში ჩამოსვლასთან დაკავშირებით, შესაძლოა, უბრალოდ მისი მომხრეების მოწოდებად ჩაითვალოს, რომ ისინი მივიდნენ არჩევნებზე. როგორც ჩიტაძე For.ge-სთან საუბარში ამბობს, საააკაშვილის ჩამოსვლის შემთხვევაში, მოსალოდნელია დაპირისპირება.

„ჯერ საინტერესოა, ჩამოდის თუ არა. მან კი გააკეთა განცხადება ჩამოსვლასთან დაკავშირებით, ბილეთის დაჯავშნა და მისი გაუქმება ნებისმიერ დროს შეიძლება. შესაძლებელია თავისი დაპირებით მოუწოდა ამომრჩეველს მობილიზაციისკენ, რომ ისინი გამოცხადდნენ საარჩევნო უბნებთან და ჰქონდეთ მეტი მოტივაცია მონაწილეობა მიიღონ არჩევნებში.

ერთ-ერთი ვერსიაა, რომ შეიძლება გადაიფიქროს და არ აპირებს ჩამოსვლას. თუ ის მართლაც ჩამოვა საქართველოში, ამ შემთხვევაში მას დახვდებიან მომხრეები აეროპორტში და ხელისუფლება თავიდანვე თავს აარიდებს სიტუაციის გამწვავებას, არ დაიწყებს ქმედებებს მისი დაპატიმრების მიზნით. არანაირი მოწოდება მომხრეების მიმართ, რომ ისინი გამოცხადდნენ და მივიდნენ აეროპორტში, ჯერჯერობით არ ყოფილა. ამ შემთხვევაში, შესაძლებელია, დაპირისპირება, რადგან „ქართულმა ოცნებამ“ შეიძლება მოახდინოს თავისი მომხრეების მობილიზაცია“, - განაცხადა ნიკა ჩიტაძემ For.ge-სთან.