სომხეთის პრემიერ-მინისტრის მოვალეობის შემსრულებელმა, ნიკოლ ფაშინიანმა განაცხადა, რომ სომხეთ-აზერბაიჯანის საზღვარზე სიტუაცია დაძაბული რჩება.
„მინდა აღვნიშნო, რომ სომხეთ-აზერბაიჯანის საზღვრის ჩვენთვის კარგად ცნობილ მონაკვეთებზე ოპერატიული სიტუაცია არ შეცვლილა, ის კვლავ დაძაბული რჩება. სომხეთის ტერიტორიაზე ჯერ კიდევ იმყოფებიან აზერბაიჯანელი სამხედროები, დაახლოებით 500-600 ადამიანი“, - აღნიშნა ნიკოლ ფაშინიანმა.
ნიკოლ გაშინიანმა ასევე განაცხადა, რომ აზერბაიჯანელმა სამხედროებმა სომხეთის ტერიტორია დაუყოვნებლივ უნდა დატოვონ და რომ სომხეთი ყველაფერს გააკეთებს, რათა სამხედრო ესკალაცია არ დაუშვას.
12 მაისს, სომხეთის პრემიერ-მინისტრის მოვალეობის შემსრულებელმა, ნიკოლ ფაშინიანმა აზერბაიჯანი სომხეთის სუვერენული ტერიტორიის ხელყოფაში დაადანაშაულა.
