იტალიური ომლეტი ფრიტატას მომზადებისას მთავარი ინგრედიენტი არის არა კვერცხი არამედ მსხვილად დაჭრილი ბოსტნეული, ამიტომ დავეშუროთ ბევრ ბოსტნეულს. კვერცხის ფუნქცია ამ მასის გაერთიანებაა. გამოდის დიდი მოცულობის, რელიეფური და ლამაზი საუზმე. ომლეტი თავდაპირველად მზადდება ტაფაზე, ხოლო შემდეგ იდგმევა ღუმელში. თუ ღუმელი არ გაქვთ, მაშინ ტაფას მჭიდროდ დაახურეთ სახურავი, ცეცხლს კი დაუწიეთ.

ინგრედიენტები

6   ცალი კვერცხი

3   ცალი წითელი ბულგარული წიწაკა

1   თავი წითელი ხახვი

1   კონა ოხრახუში

150   გრამი ბროკოლი

1/4  ცალი ლიმონი

2   ს/კ ზეითუნის ზეთი

2   კბილი ნიორი

30   გრამი კარაქი

მუსკატის კაკალი გემოვნებით

პაპრიკა გემოვნებით

1   პატარა კონა ქონდარი

პილპილი და მარილი გემოვნებით

მომზადება

შევურიოთ კვერცხს მარილი, მუსკატის კაკალი და პაპრიკა.

ბროკოლი დავყოთ, ნაწილებად. ხახვი დავჭრათ რკალებად.

ნიორი და ოხრახუში წვრილად დაჭერით, შეაზავეთ ლიმონის წვენითა და ზეითუნის ზეთით.

დაჭრილი ხახვი მოვხრაკოთ ზეთში დარბილებამდე, დავუმატოთ ბროკოლი, მოვთუშოთ კიდევ 1 წუთი, რის შემდეგაც დავუმატოთ ბულგარული წიწაკა და ვთუშოთ კიდევ 1 წუთი. დავუმატოთ ქონდარის ფოთლები, 1 წუთის შემდეგ კი ოხრახუში ნივრით ლიმონის და ზეითუნის წვენით. 30 წამის შემდეგ კი მოვასხათ ათქვეფილი კვერცხი.

კვერცხი როცა დაიწყებს მზადებას ტაფა შედგით ღუმელში 5-7 წთ. განმავლობაში (წინასწარ გააცხელეთ ღუმელი180 გრადუს ტემპერატურაზე). მაგიდაზე მიტანისას მოაყარეთ მარილი, პილპილი და ქონდარის ფოთლები.