ინდოეთის ხელისუფლებამ ქაშმირის რეგიონში 75 პოლიტიკური ლიდერი და აქტივისტი დააკავა, მას შემდეგ რაც ადგილობრივ არჩევნენზე კაშმირის რეგიონული პარტიების ალიანსმა გაიმარჯვა. ინფორმაციას ამის შესახებ სააგენტო Reuters-ი ავრცელებს.
პოლიციაში აცხადებენ, რომ დაკავებები პრევენციულ ხასიათს ატარებდა, ვინაიდან სეპარატისტი ლიდერები და აკრძალული ორგანიზაცია „ჯამათ-ე-ისლამის“ წევრები არეულობის მოწყობას გეგმავდნენ.
შარშან ინდოეთის პრემიერ-მინისტრმა, ნარენდრა მოდიმ მუსლიმებით კომპაქტურად დასახლებული ქაშმირის რეგიონის სპეციალური სტატუსი გააუქმა. რამდენიმე დღის წინ რეგიონში რაიონული საბჭოების არჩევნები გაიმართა, რომელშიც რეგიონულმა პარტიებმა გაიმარჯვეს.
