ისრაელში ვადამდელი საპარლამენტო არჩევნები გაიმართება, ამის შესახებ BBC წერს.
არჩევნების დანიშვნის მიზეზი დადგენილ დროში პარლამენტის მიერ სახელმწიფო ბიუჯეტის დამტკიცებაზე შეუთანხმებლობა გახდა. ქვეყნის კანონმდებლობის მიხედვით, ისრაელის პარლამენტის დათხოვნა ავტომატურად მოხდა.
BBC-ის ინფორმაციით, საპარლამენტო არჩევნები ქვეყანაში 2021 წლის მარტში გაიმართება, რაც ისრაელში ბოლო 2 წლის განმავლობაში რიგით მე-4 საპარლამენტო არჩევნები იქნება.
ბოლოს საპარლამენტო არჩევნები ისრაელში 2020 წლის 17 სექტემბერს გაიმართა, სადაც ქვეყნის პრემიერ-მინისტრ ბენიამინ ნეთანიაჰუსა და მისი მოწინააღმდეგის, ბენი განცის პარტიებმა ხმათა 25-25% მიიღეს, რამაც მთავრობის ფორმირება შეაფერხა. ნეთანიაჰუ და განცი როტაციული მთავრობის ჩამოყალიბებაზე შეთანხმდნენ.
