ბრიტანეთში 99 წლის ქალი კორონავირუსისგან 5 დღეში განიკურნა. ამის შესახებ Daily Mail-ი წერს. ქალი განკურნების მიზეზად ტკბილეულის სიყვარულს ასახელებს.
რიტა რეინოლდს კორონავირუსის სიმპტომები მარტის ბოლოს გამოუვლინდა. ის გრძნობდა სისუსტეს, მადის დაქვეითებას და უჭირდა სუნთქვა.
ექიმებმა მას კორონავირუსის ინფექცია დაუდგინეს. მათი პროგნოზი არ იყო საიმედო. მედიკოსებმა ის კლინიკაშიც კი არ გადაიყვანეს და მკურნალობა სახლში დაუნიშნეს.
დიაგნოზიდან ხუთი დღის შემდეგ სამედიცინო კვლევის შედეგად დადასტურდა, რომ 99 წლის ქალმა კორონავირუსი დაამარცხა.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
