აშშ-ში კორონავირუსით მეორე პაციენტი გარდაიცვალა. ამის შესახებ CNN-ი იუწყება.
70 წლის კაცს ვაშინგტონის საავადმყოფოში მკურნალობდნენ, თუმცა მისი გადარჩენა ვერ მოხერხდა. აშშ-ში კორონავირუსით პირველი ადამიანი 29 თებერვალს გარდაიცვალა. 26 თებერვალს კალიფორნიის შტატის ქალაქ სან-ფრანცისკოში კორონავირუსის გავრცელების საფრთხის გამო საგანგებო მდგომარეობა გამოაცხადა.
ამ დროისთვის, კორონავირუსმა მსოფლიოში სამი ათასზე მეტი ადამიანი იმსხვერპლა, ინფიცირებულია 89 ათასზე მეტი. გამოჯანმრთელდა 45 ათასზე მეტი პაციენტი.
30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
