იმისათვის, რომ გემრიელი რამ მოამზადოთ, საჭირო არ არის დიდი ძალისხმევა. აი, მარტივი დესერტის რეცეპტი, რომელიც წარმოუდგენელია ვინმეს არ მოეწონოს.
ინგრედიენტები
ხაჭო - 400 გ
არაჟანი - 200 გ
ანანასის კონსერვი - 1 ქილა
ანანასის წვენი - 0,5 ლ
ჟელატინი - 25 გ
ვანილი
ქიშმიში - გემოვნებით
შედედებული რძე - ნახევარი ქილა
მომზადების წესი:
ჟელატინი დააბეთ ანანასის წვენში დაახლოებით ერთი საათის მანძილზე.
როცა გაფუვდება, დაბალ ცეცხლზე გაადნეთ, მაგრამ არ მიიყვანოთ ადუღებამდე.
ხაჭოს შეურიეთ არაჟანი, შედედებული რძე და ვნილი – ყველაფერი დააბლენდერეთ.
დაუმატეთ გაგრილებული ჟელატინი და დაჭრილი ანანასები.
ჩაასხით ან პატარ-პატარა ფორმებში, ან ერთ დიდში. შედგით მაცივარში რამდენიმე საათით, სანამ არ გამკვრივდება.
