ბატიაშვილმა რაღაც კარგი საქმეები წამოიწყო და ვნახოთ, როგორ გააგრძელებს. საპენსიო ასაკის ღვაწლმოსილ პედაგოგებს, რომელთაც არ ექნებათ მინიმალური კომპეტენციის დადასტურებისა და სტატუსის ამაღლების სურვილი, ეძლევათ პრივილეგია, მათი ნებაყოფლობითი არჩევანის საფუძველზე 2019 წელს სახელმწიფოსგან მიიღონ ერთჯერადი ფულადი ჯილდო - ორი წლის ჯამური ხელფასი; ამასთან, შეუნარჩუნდებათ ჯანმრთელობის დაზღვევის პაკეტი მთელი სიცოცხლის განმავლობაშიო, თქვა ახლახან და კი მაქვს ცოტაოდენი იმედი, რომ სკოლას ცოტა მაინც დაადგება საშველი!

აი, სკოლას უფრო დაადგება საშველი, ვიდრე "შვილმკვდარ" მიშას!

ვერაფრით დაგაკლებთ სიამოვნებას და ზუსტად, სიტყვასიტყვით გადმოგცემთ ამ გულდათუთქული პატრიოტისა და სურვილის შემთხვევაში, თვით ტრამპის დამმარცხებელი მიუნჰაუზენას სიტყვებს:

"მე მყავს ორი შვილი და ძალიან კარგად ვიცი, რას ნიშნავს შვილის სიყვარული. მაგრამ ჩემი შვილები არიან ასევე ქუთაისის პარლამენტი, რომელიც მოკლეს და გაანადგურეს; ჩემი შვილი იყო ამერიკული ტექნოლოგიური უნივერსიტეტი ბათუმში, რომელიც ამ ოროსანმა და ავადმყოფმა გაანადგურა ძალიან შეგნებულად და გააბანძა იდეა; ჩემი შვილი იყო ქართული ჯანდაცვის სისტემა, რომელიც გაანადგურეს; ჩემი შვილი იყო საქართველოს შეიარაღებული ძალები, რომელიც პრაქტიკულად გაანადგურეს; ჩემი შვილი იყო საქართველოს სამხედრო წარმოება, რომელიც მომიკლეს. მე ვარ ნამდვილად შვილმკვდარი მამა. შეიძლება ზოგიერთი გააჩერო, მაგრამ როგორც მაჩალიკაშვილი ვერ გააჩერეს, ნამდვილად მეც ვერ გამაჩერებენ და ნამდვილად ბოლომდე ვიძიებ შურს ჩემი შვილის მკვლელებზე".

ზუგდიდის ერთ სოფელში კუდის ყოფილი უფროსი, რუსლან შამახია და გაერთიანებული ოპოზიციის წარმომადგენელი აკაკი (აკო) მინაშვილი რაღაც უნიჭო სცენას რომ დგამდნენ, ეგეც უსაშველობის ნიშანია, სხვა არაფერი! მაგნაირები უნდა შესვა იმ ტრაქტორზე, სანდრა რულოვსი და გიგი უგულავა რომ პოზიორობენ ხოლმე და უხელფასოდ ამუშაო იმდენი წელი, რამდენი წელიც სახელმწიფო ბიუჯეტის ფულს იღებდნენ ხელფასებად!

არც გუბაზის საშველი ჩანს! ბიძინამ გადააგდო და არ გახადა მილიონერი, მერე "გასპაჟა ბურჟანაძეს" მიეკედლა (ერთი ამ ფქვილის პრინცესას რად უნდოდა ეს მედროვე პარტიაში?) და ახლა იქიდანაც გამოკუნტრუშებული აცხადებს, რომ ყველაფერს გააკეთებს ბიძინა ივანიშვილის მმართველობის დასასრულებლად. "რა თქმა უნდა, ბიძინა ივანიშვილის დაუძინებელი მტერი ვარ. როგორც პოლიტიკოსის და მმართველის. ყველაფერს გავაკეთებ, რომ დავასრულო მისი მაფიოზური მმართველობა", - განაცხადა მისმა აღმატებულება გუბაზმა და ამოიხვნეშა იმ კაცის პათოსით, თავად რომ არ სჯერა თავისი ნალაყბევი! მაგ უბადრუკმა არ იცის ალბათ, რომ ბიძინას არაფრად ადარდებს პოლიტიკურ სანაგვეზე მოსროლილი ის ხალხი, რომლებიც მისი ხელიდან ისე იკვებებოდნენ წლების წინ, როგორც ახლა ჭორვილელი მილიარდერის ცხოველები!

უსაშველოა კიდევ რამდენის მდგომარეობა! ცალკე "თავდემებისა" მედარდება, "რესპები" თავიდანვე წყალწაღებულები იყვნენ და კიდევ სულ რაღაც ორასიოდე პარტია მაგათზე უარეს დღეშია! ეგ ფურცელზე მოარსებე პარტიებია, მაგრამ რეალურად არსებობს თაკო ჩარკვიანის პარტია, რომელიც უმრავლესობით მოვა ხელისუფლებაში! დიახ, მოვა! რეალურად თუ არა, პოეტის ასულის ფანტაზიაში მაინც! ჩვენ, ბნელმა ხალხმა არ ვიცით, თორემ მეტაფიზიკურად იმდენი რამეა შესაძლებელი... ასევე, ჩვენ გვგონია, რომ გიგი უგულავა გაუზრდელდა და ვინმე ანა წითლიძეს უხერხულად შეუცვალა გვარი, სინამდვილეში, უბრალო გაურკვევლობა იყო, თორემ ოდეს ყოფილა "ნაციონალებს" შორის უზრდელი, უმეცარი, ბოროტი და ენაბრგვილი? მაგალითად, სანდრა ზუგდიდელი უკეთ არ მეტყველებს, ვიდრე ყმაწვილი ბახტაძე ღაღადებდა მახათას მთაზე? და საერთოდ, რა დროს პოლიტიკაა, როცა ხატია სიჭინავას დედამთილს ხელი მოუტეხია და მთელი მედია მაგ თემას ატრიალებს წაღმა-უკუღმა! სიჭინავას დედამთილიც მოირჩენს ხელს, 19 მაისს არჩევნებს მოვრჩებით (ზოგან კი დაგვჭირდება მეორე ტური, მაგრამ იცოდეთ, მზად ვართო, უთქვამს თალაკვაძე არჩილს!), მაგრამ ამ გასაცოდავებულ მედიას რა უშველის? აქეთ "რუსთავი 2" და მისი მსგავსი "მიშავიზიები" გადავიდნენ ჭკუიდან თუ მედიაზნეობიდან, ცალკე "იმედმა" აგვაყვავა და აგვაღორძინა ბოლო 7 წელში!

პ.ს. გახარიას ბიუსტს ის ქალები მაინც ნუ დასცინებთ, საკუთარი ბიუსტი რომ არ გაგაჩნიათ...