უკრაინის ცენტრალურმა სააარჩევნო კომისიამ ქვეყნის საპრეზიდენტო არჩევნების 21 აპრილს გამართული მეორე ტურის ოფიციალური შედეგები გამოაცხადა. ამის შესახებ ადგილობრივი მედია წერს.
არჩევნებში ვოლოდიმირ ზელენსკიმ გაიმარჯვა, რომელმაც ხმათა 73,22% მიიღო. მისმა მეტოქემ, უკრაინის მოქმედმა პრეზიდენტმა პეტრო პოროშენკომ ხმათა 24,45% მიიღო.
არჩევნებზე აქტიურობამ 61,37% შეადგინა. საერთო ჯამში, ხმის მიცემის უფლებით უკრაინის 18 491 840-მა მოქალაქემ ისარგებლა.
უკრაინის საპრეზიდენტო არჩევნების პირველი ტურის შედეგებით, ვოლოდიმირ ზელენსკიმ ამომრჩეველთა ხმების 30,24% მოიპოვა, პეტრე პოროშენკომ კი - 15,95%. არჩევნების მეორე ტური 21 აპრილს ჩატარდა.
