საფრანგეთი ესტონეთში 300 სამხედროს და 25 ერთეულ ტექნიკას გზავნის. ინფორმაციას საფრანგეთის საელჩოზე დაყრდნობით, რუსული მედია ავრცელებს. ესტონეთში გადაგზავნილი იქნება 5 ტანკი Leclerc -ი და 20 სახმელეთო სამხედრო მანქანა. საფრანგეთის სამხედრო ძალები ქალაქ ტაპაში განლაგდებიან, რომელიც რუსეთის საზღვრიდან 100 კილომეტრითაა დაშორებული.
დივიზიის შემადგენლობაში საფრანგეთის არმიის მეორე ბრიგადის სამხედრო მოსამსახურეები არიან. ასევე ფრანგულ-გერმანული ლეგიონის წარმომადგენლები. სამხედროების გადაგზავნა NATO-ს მისიის ფარგლებში ხდება, რომელიც ბალტიისპირეთის ქვეყნებსა და პოლონეთში ალიანსის სამხედრო ძალების გაძლიერებას გულისხმობს.
18 აპრილს მოსკოვში ესტონეთის პრეზიდენტი კერსტი კალიულაიდი რუსეთის პრეზიდენტ ვლადიმერ პუტინს შეხვდა.
