ავსტრალიაში გაუსაძლის სიცხეს ებრძვიან. ქვეყნის ზოგიერთ ნაწილში ისტორიაში ყველაზე ცხელი ზაფხულია. ინფორმაციას ავსტრალიის მეტეოროლოგიური ბიურო ავრცელებს. ამის შესახებ BBC წერს.
გამოცემის ინფორმაციით, ტემპერატურამ საშუალო მაჩვენებელს 2.14C-ით გადააჭარბა. ბოლო რამდენიმე კვირის განმავლობაში გაიზარდა სამედიცინო დაწესებულებებში მიმართვიანობაც.
ძლიერმა სიცხემ ზიანი მიაყენა ველურ ბუნებასაც. დაიღუპა ათობით თევზი, გარეული ცხენი და ღამურა.
ირკვევა, რომ ტემპერატურის მაჩვენებელმა 2012-13 წლების ზაფხულის მონაცემებს დაახლოებით ერთი გრადუსით გადააჭარბა.
