შეერთებული შტატების პრეზიდენტმა დამცავი კედლების რაოდენობა დათვალა.
„მსოფლიოში დღეისათვის 77 დამცავი კედელია და კიდევ 45 ქვეყანა გეგმავს ასეთი კედლების მშენებლობას. 2015 წლიდან დღემდე მხოლოდ ევროპაში 700 მილის სიგრძის კედელი აშენდა. ყველა ეს პროექტი 100 პროცენტით წარმატებულად აღიარეს. შევაჩეროთ კრიმინალი ჩვენს სამხრეთ საზღვრებთან!“- წერს ტრამპი Twitter-ზე.
თეთრი სახლის ლიდერი მექსიკის კედლის მშენებლობისთვის 5 მილიარდი დოლარის გამოყოფას ითხოვს, რაზეც დემოკრატები არ თანხმდებიან. ამის გამო ამერიკის მთავრობას თითქმის ერთი თვეა, მუშაობა ნაწილობრივ აქვს შეჩერებული.
