აშშ-ის პრეზიდენტი დონალდ ტრამპი 2018 წლის განმავლობაში დღიურად, საშუალოდ, 15 ტყუილს ამბობდა. მისი განცხადებები შეამოწმა და დაამუშავა სპეციალურმა პროგრამამ. ინფორმაციას The Washington Post-ი ავრცელებს.
ამ პროგრამის გამოთვლებზე დაყრდნობით, გამოცემა წერს, რომ ტრამპმა 2018 წლის განმავლობაში 7600 ტყუილი თქვა. ეს რაოდენობა წინა წელთან შედარებით თითქმის სამჯერ მეტია - 2017 წელს პრეზიდენტმა 1989 ტყუილი თქვა.
პროგრამის გამოთვლის თანახმად, ტრამპის მიერ ნათქვამი ტყუილების რაოდენობა განსაკუთრებით ივნისის შემდეგ გაიზარდა. კერძოდ, თუ მანამდე ტრამპი თვეში 200-250 ცრუ განცხადებას აკეთებდა, ივნისში მათი რაოდენობა 500-მდე გაიზარდა და მას შემდეგ იზრდება.
სექტემბერში ტრამპმა 600 ტყუილის შემცველი განცხადება გააკეთა, ოქტომბერში - 1200, ნოემბერში - 900. დეკემბერში კი ტრამპი წლის დასაწყისის ნიშნულს დაუბრუნდა და 200-მდე ტყუილი განცხადება თქვა.
