81 წლის ავსტრალიელმა კაცმა სისხლი სხვებისთვის ბოლოჯერ გაიღო. ჯეიმს ჰარისონი, მანამდე 60 წლის განმავლობაში, დონორი იყო. ამის შესახებ CNN-ი წერს.
როგორც გაირკვა, ავსტრალიის კანონმდებლობის მიხედვით, სისხლის დონაცია ასაკობრივად იზღუდება, სწორედ ამის გამო ვეღარ ჩააბარებს სისხლს ჰარისონი.
ავსტრალიის წითელი ჯვრის სისხლის ბანკის ინფორმაციით, ჯეიმს ჰარისონმა ამ ხნის განმავლობაში დაახლოებით 2 400 000 ბავშვი გადაარჩინა.
ექიმებმა აღმოაჩინეს, რომ მისი სისხლი შეიცავდა ისეთ ანტისხეულებს, რომლებიც შეიძლებოდა, გამოეყენებინათ ანტი- D ინექციის შესაქმნელად, რომელიც რეზუს ფაქტორით გამოწვეულ დაავადებებს ებრძვის. წითელი ჯვრის ინფორმაციით, ის ერთ-ერთია ავსტრალიაში მცხოვრებ იმ 50 ადამიანს შორის, რომელსაც სისხლში მსგავსი ტიპის ანტისხეულები აქვს.
