აშშ გუანტანამოს 53 პატიმრის სხვა ქვეყნებისთვის გადაცემის საკითხზე მოლაპარაკებებს აწარმოებს. ამის შესახებ თეთრი სახლის პრესმდივანმა ჯოშ ერნესტმა განაცხადა.
მისი თქმით, აშშ-ის ადმინისტრაცია იმედოვნებს, რომ პატიმართა ნაწილს სხვადასხვა ქვეყნები უკვე წლის ბოლომდე მიიღებენ.
გუანტანამოს ციხე 2002 წლიდან ფუნქციონირებს. ამჟამად, ტერორიზმის ბრალდებით ციხეში 112 ადამიანი იხდის სასჯელს.
გასული წლის ნოემბერში აშშ-მ გუანტანამოს ციხის 3 მსჯავრდებული საქართველოს გადასცა.
