უახლოესი ორი კვირის განმავლობაში უკრაინის ჯანდაცვის მინისტრს, ალექსანდრე კვიტაშვილს თანამდებობიდან გადააყენებენ. როგორც "ბიბისი" იტყობინება, დაგეგმილ საკადრო ცვლილებებზე უკრაინის პრემიერ-მინისტრმა არსენი იაცენიუკმა გამოცემა "პოლიტიკო"-სთან საუბარში განაცხადა.
იაცენიუკის თქმით, ახალი ხელმძღვანელები ეყოლება ენერგეტიკისა და განათლების სამინისტროებსაც. გარდა ამისა, დაინიშნება ვიცე პრემიერი ევროპული ინტეგრაციის საკითხებში.
ჯერ უცნობია, ვინ გახდება უკრაინის ჯანდაცვის ახალი მინისტრი. იაცენიუკის ინფორმაციით, კანდიდატურების შერჩევის პროცესი პრეზიდენტ პეტრო პოროშენკოსთან შეთანხმებით მიმდინარეობს.
