უკრაინულმა ვებ-გვერდმა uarevo.in.ua-მ საქართველოს ექსპრეზიდენტ მიხეილ სააკაშვილის და "რუსთავი 2"-ის გენერალური დირექტორის კიდევ ერთი სატელეფონო ჩანაწერი გამოაქვეყნა.
აუდიო ჩანაწერში საუბარია "რუსთავი 2"-თან დაკავშირებით მიმდინარე საკითხებზე. ექსპრეზიდენტი ნიკა გვარამიას ჟურნალისტების შესახებ ესაუბრება და სთხოვს გვარამიას მათ დაელაპარაკოს. მიხეილ სააკაშვილი ტელეკომპანია "რუსთავი 2"-ის გენერალურ დირექტორს სთხოვს ჟურნალისტებს ყველაფერი კარგად განუმარტოს და უთხრას, რომ დავის წაგების შემთხვევაში მათ სამსახურიდან გაუშვებენ.
საუბარი ასევე შეეხება დაცვის ორგანიზებას. მიხეილ სააკაშვილი ნიკა გვარამიას ურჩევს ყოფილი სპეცრაზმელები გამოიყენოს.
