საქართველოს პრეზიდენტმა გიორგი მარგველაშვილმა ქართულ მედიაში მიმდინარე პროცესები შეაფასა.
მარგველაშვილის შეფასებით, თავისუფალი მედია არის თანამედროვე ქართული სახელმწიფოს უზენაესი ღირებულება.
"ბოლო დღეებში ტელეკომპანია რუსთავი 2-ის გამართულ მუშაობას შეექმნა პრობლემები. ეს ხდება მედიაში მიმდინარე პროცესების ფონზე, რომლის თაობაზეც დასმულ სერიოზულ კითხვებს ჯერაც არ გასცემია დამაჯერებელი პასუხები. მოვუწოდებ ყველა მხარეს, ვისაც პირდაპირ ან ირიბად ეხება ეს საკითხები, გასცეს ნათელი პასუხები დასმულ კითხვებს და ახსოვდეს, რომ თავისუფალი მედია არის თანამედროვე ქართული სახელმწიფოს უზენაესი ღირებულება", - განაცხადა გიორგი მარგველაშვილმა.
