ურეკის კულტურის სახლში მსახიობ ლეო ანთაძის შემოქმედებითი საღამო გაიმართა.
საქართველოს სახალხო არტისტი, მარჯანიშვილის თეატრის მსახიობი - ლეო ანთაძე მაყურებლის წინაშე მონოსპექტაკლით წარსდგა.
60 წლიანი მოღვაწეობის განმავლობაში ლეო ანთაძემ 200 სასცენო და 30 კინოროლი შექმნა. "მე, ბებია, ილიკო და ილარიონიდან" ზურიკელა ლეო ანთაძის პირველი როლი იყო, რომელიც მარჯანიშვილის თეატრში დაიდგა.
„ძალიან დიდი ბედნიერებაა უმასპინძლო ისეთ მსახიობს, რომელმაც ქართული თეატრისა და კინოს ისტრიაში არაერთი სახასიათო სახე შექმნა. ლეო ანთაძის შემოქმედებას ოზურგეთელი მაყურებელი კარგად იცნობს. ის ძალიან მრავალმხრივი მსახიობია, მისი როლები ერთმანეთს არ ჰგავს და ამით ლეო ანთაძის პერსონაჟები განსხვავეუბულად საინტერესოები არიან. იმედია, საქართველოს სახალხო არტისტი არაერთხელ ესტუმრება გურიას”, - აღნიშნა ოზურგეთის მუნიციპალიტეტის გამგებელმა მერაბ ჭანუყვაძემ.
მსახიობთან ერთად ოზურგეთში კომპოზიტორი ვაჟა აზარაშვილიც იმყოფებოდა.
ლეო ანთაძე დღეს ოზურგეთელი მაყურებლის წინაშე ალ. წუწუნავას სახელობის სახელმწიფო დრამატულ თეატრში განსხვავებული პროგრამით წარსდგება.
